Վրաստանի ՆԳՆ-ը վերագործարկում է բոլոր ծառայությունները
Վրաստանի ՆԳՆ-ը վերագործարկում է բոլոր ծառայությունները

Ներքին գործերի նախարարության սպասարկման գործակալությունը հունիսի մեկից վերագործարկում է Վրաստանի մասշտաբով կորոնավիրուսի կանխարգելիչ միջոցառումների պատճառով սահմանափակված բոլոր ծառայությունները և քաղաքացիներին կսպասարկի ամենօրյա ռեժիմում:

«Մայիսի 31-ի առավոտյան 09:00-ից քաղաքացիները հնարավորություն կունենան ամրագրել վարորդական իրավունք ստանալու տեսական քննությանը մասնակցելու իրավունքը:

Սպասարկման գործակալությունը, քաղաքացիների անվտանգության նպատակով, լիովին հաշվի է առնում Վրաստանի կառավարության միջգերատեսչական համակարգող խորհրդի հանձնարարականները»,- հայտարարում են գերատեսչությունում:

Գործակալությունը քաղաքացիներին կոչ է անում, տեղում ծառայություններ ստանալու համար ներկայանալ բժշկական դիմակով:

Թողնել մեկնաբանություն