Վրաստանի նախագահի երդմնակալության արարողությանը Նիկոլա Սարկոզին ներկայացնում էր Էմանուել Մակրոնին
Սալոմե Զուրաբիշվիլիի երդմնակալության արարողությանը Նիկոլա Սարկոզին ներկայացնում էր Ֆրանսիայի նախագահ Էմանուել Մակրոնին: Այս մասին գրում է Le monde:
Ֆրանսիական թերթի կայք էջում պարզաբանված է, որ մինչ Վրաստան այցը, Ֆրանսիայի նախկին նախագահը Ելիսեյան պալատում հյուրընկալվել է գործող լիդերին, որտեղ Մակրոնը Նիկոլա Սարկոզիին պարտադրել է, իր անունից ներկա գտնվել Վրաստանի նախագահ Սալոմե Զուրաբիշվիլիի երդմնակալության արարողությանը:
Լրատվությունն այս մասին Le monde տարածում է Ելիսեյան պալատի հայտարարությանը հենվելով: Բացի այդ, հոդվածում նշված է, որ Ֆրանսիայի գործող նախագահ Էմանուել Մակրոնը ընկերական հարաբերություններ ունի Ֆրանսիայի նախկին նախագահ Նիկոլա Սարկոզիի հետ:
Le monde գրում է նաև, որ նախկին դիվանագետ Սալոմե Զուրաբիշվիլիին, Վրաստանի առաջին կին նախագահ են ընտրել նոյեմբերի վերջին: Հոդվածում նշված է, որ երդմնակալության ժամանակ խոսքով ելույթ ունենալիս, Վրաստանի նորընտիր նախագահը հայտարարել է, որ երկիրը շարունակելու է իր արևմտամետ քաղաքականությունը:
Le monde Ելիսեյան պալատին հենվելով գրում է, որ Սալոմե Զուրաբիշվիլիի երդմնակալությանը Ֆրանսիայի անունից Նիկոլա Սարկոզիի ներկայությունը խորհրդանշական էր, քանզի 2008 թվականի պատերազմի ժամանակ, Նիկոլա Սարկոզին խաղացել է միջնորդի դեր:
Հեղինակ -
Edgar Barsegyan