Վրաստանի քաղաքացիների համար կոմունալ օգնության ծրագիրը կշարունակվի նաև ձմռան ամիսներին
Վրաստանի քաղաքացիների համար կոմունալ օգնության ծրագիրը կշարունակվի նաև ձմռան ամիսներին

Վրաստանի կառավարության որոշմամբ, քաղաքացիների կոմունալ վճարների աջակցության ծրագիրը կշարունակվի նաև ձմռան ամիսներին:

Այս մասին հայտարարել է Վրաստանի վարչապետ Գիորգի Գախարիան՝ կառավարության այսօրվա նիստին:

«Որպեսզի փոխհատուցենք մեր քաղաքացիների եկամտի պակասը կամ աշխատանքը կորցնելը, կառավարությունը կայացրել է որոշում, կոմունալ վճարումների աջակցության ծրագիրը շարունակել նաև ձմռան 4 ամիսների ընթացքում: Դա կլինի՝ նոյեմբեր, դեկտեմբեր, հունվար և փետրվար ամիսներին: Օգնությունը կլինի նույն սկզբունքով, ինչպես մինչ այժմ էր – 200 կվտ ժամ և 200 խորանարդ մետր գազի օգտագործումը կփոխհատուցի կառավարությունը: Մեր ապահովված քաղաքացիները կարող են հրաժարվել նման օգնությունից»,- հայտարարել է Գիորգի Գախարիան: