Վրաստանի Կարմիր Խաչը 22 տոննա հեղուկ թթվածին է նվիրաբերել Աջարիայի առողջապահության նախարարությանը
Վրաստանի Կարմիր Խաչի հասարակությունը, Շվեյցարիայի Կարմիր խաչի աջակցությամբ, ստացել է 22 տոննա հեղուկ թթվածին եւ նվիրաբերել այն Աջարիայի առողջապահության նախարարությանը:
Աջարիայի Ինքնավար Հանրապետության առողջապահության և սոցիալական հարցերի նախարար Նինո Նիժարաձեն, Վրաստանի Կարմիր Խաչի գլխավոր քարտուղարի տեղակալ Կախա Մամուլաձեի հետ միասին, ներկա էին Բաթումիի հանրապետական հիվանդանոցում թթվածնի փոխանցման գործընթացին:
«Կարմիր խաչից 22 տոննա թթվածին է նվիրաբերվել Աջարիայի տարածաշրջանին: Դա շատ կարևոր նվեր է լարված համաճարակաբանական իրավիճակում, քանի որ ավելացել է թթվածնից կախված կովիդ-պացիենտների թիվը, ինչպես նաև թթվածնի սպառումը: Այս քանակը կբաժանվի այն կովիդ-հաստատություններին, որոնք ամենից շատ թթվածին են սպառում: Դրանք են՝ Բաթումի հանրապետական հիվանդանոցը, Բաթումի բժշկական կենտրոնը, Բաթումիի միջազգային հիվանդանոցը և «Մեդցենտր» բարձր տեխնոլոգիական կլինիկան, շնորհակալություն եմ հայտնում Կարմիր խաչին նվերի համար»,- նշել է Նինո Նիժարաձեն:
Վրաստանի Կարմիր Խաչը զբաղվում է տարբեր ուղղություններով բնակչությանը աջակցելու գործում՝ երկրում կորոնավիրուսի տարածման սկզբից ի վեր: