Վրաստանի կառավարության վարչությունում կայացել է Նիկոլ Փաշինյանի դիմավորման արարողությունը (ֆոտոշարք)
11:25, 03.03.2020
Վրաստանի կառավարության վարչությունում կայացել է Հայաստանի Հանրապետության վարչապետ Նիկոլ Փաշինյանի դիմավորման պաշտոնական արարողությունը:
Նիկոլ Փաշինյանին վարչությունում հյուրընկալել է Վրաստանի վարչապետ Գիորգի Գախարիան: Վրաստանի և Հայաստանի վարչապետները միմյանց են ներկայացրել պատվիրակության անդամներին:
Կառավարության վարչությունում այս պահի դրությամբ ընթանում է վարչապետների առանձնազրույցը, որից հետո նախատեսված է ընդլայնված ձևաչափի բանակցություններ:
Հանդիպման ավարտից հետո Գիորգի Գախարիան և Նիկոլ Փաշինյանը մամուլի համար հանդես կգան հայտարարություններով:
Նիկոլ Փաշինյանը պաշտոնական այցով Վրաստան է ժամանել երկրորդ անգամ: Նրան Թբիլիսիի միջազգային օդանավակայանում դիմավորել է Վրաստանի արտաքին գործերի նախարար Դավիթ Զալկալիանին:
