Վրաստանի երկու բռնազավթված տարածաշրջանները փաստորեն վեր են ածվել Ռուսաստանի փակ ռազմակայանների, կամ էլ նրանց սպասարկող տարածքի. Իրակլի Կոբախիձե
Այսօր, գոյություն ունեն ուժեր, որոնք խախտում են անվտանգության և խաղաղության հիմքը, խախտում են երկրների տարածքային ամբողջականությունը, աջակցում են հասարակությունում լարվածությանը և դիմակայությանը, խանգառում են մեր ազատ ընտրությանը,-այս մասին Վրաստանի խորհրդարանի նախագահ, Իրակլի Կոբախիձեն հայտարարել է Ֆրանսիայում, ազգային ժողովի արտաքին հարաբերությունների կոմիտեի նիստին ելույթ ունենալիս:
Իրակլի Կոբախիձեի հայտարարությամբ, դա տեղի է ունենում տարածքների ուղիղ բռնազավթման, շանտաժի, սպառնալիքների և ստերի, ինչպես նաև զարգացած աշխարհի համար անընդունելի և ոչվայել մեթոդներով:
Իրակլի Կոբախիձեն ուշադրությունը բևեռել է բռնազավթման և Ռուսաստանի կողմից բռնազավթված տարածաշրջաններում ստեղծված ծանր իրավիճակի վրա:
«Ռուսաստանը բռնազավթած ունի Վրաստանի տարածքների 20 տոկոսը և ստեղծել է խամաճիկային ավտորիտար ռեժիմներ Աբխազիայի և Ցխինվալի տարածաշրջաններում: Այս տարածաշրջաններում մարդու իրավունքները խախտվում են պարբերաբար: Էթնիկ վրացի երեխաներից խլել են մայրենի լեզվով ուսում ստանալու հնարավորությունը, մարդկանց սահմանափակում են տեղաշարժը, վրացական հետքը կորցնելու նպատակով քանդել են վրացական գյուղերը, առևանգում են և կտտանքների ենթարկում և սպանում մարդկանց»,-հայտարարել է խորհրդարանի նախագահը:
Նրա խոսքերով, չնայած ագրեսիային, Վրաստանի իշխանությունները արդեն տարիներ շարունակ Ռուսաստանի նկատմամբ մշակած ունի խաղաղ և ժողովրդավարական սկզբունքներին հենված քաղաքականություն:
Իրակլի Կոբախիձեի հայտարարությամբ, նշված քաղաքականության շնորհիվ բարելավվել են երկրների միջև առևտրատնտեսական և տրանսպորտային կապերը, սակայն քաղաքական հարաբերությունները կրկին մտած են փակուղի:
Հեղինակ -
Edgar Barsegyan