ԱՄՆ-ի դեսպանատունը շնորհավորում է Վրաստանին առաջին սահմանադրության 100-ամյակի առթիվ:

Դեսպանատան հայտարարության համաձայն, Վրաստանի առաջին սահմանադրությունը կարևոր քայլ էր արևմտյան ժողովրդավարական երկրների հասարակության մեջ ինտեգրվելու ընթացքում:

«Դուք իսկապես պետք է հպարտանաք այս սահմանադրությամբ, որն ստեղծման ժամանակ ամենաառաջադեմներից մեկն էր աշխարհում: Այն ճանաչում էր պետության ազատությունն ու անբաժանելիությունը, պաշտպանում էր հիմնական քաղաքացիական և մարդու իրավունքները և պաշտպանում էր բոլոր մարդկանց հավասարությունը օրենքի առջև:

Այն նպաստեց գենդերային հավասարությանը, պաշտպանում էր փոքրամասնություններին, երաշխավորում էր դավանանքի, արտահայտման և խաղաղ հավաքների ազատությունը: Ցավոք, Կարմիր բանակի Վրաստան ներխուժումից մի քանի օր անց վրացի ժողովուրդը կորցրեց ավելի քան 70 տարի այդ ազատությունները վայելելու հնարավորությունը:

Այնուամենայնիվ, Վրաստանի առաջին Սահմանադրության մեջ արտահայտված արժեքները 2021 թվականին նույնքան կարևոր են, որքան 1921 թվականին և այդ արժեքները գնահատում և կիսում են ամերիկացի և վրացի ժողովուրդները:

Ժողովրդավարական գործընթացը հաճախ անցնում է քննություն, սակայն մեր, Ամերիկայի Միացյալ Նահանգների վերջին մարտահրավերները ցույց են տալիս, թե որքանով է կենսունակ ժողովրդավարությունը և որքանով պետք է հավատարիմ մնանք ավելի կատարյալ պետություն ստեղծելու հարցում, որն ամրագրված է մեր սահմանադրության մեջ», – ասված է հայտարարության մեջ:

Միևնույն ժամանակ, դեսպանատունը հայտարարության մեջ նշել է, որ վրաց ժողովրդի համար կարևոր է միավորվել առաջին սահմանադրության մեջ ամրագրված հիմնական արժեքների շուրջ:

«Այժմ, առավել քան երբևէ, կարևոր է, որ վրաց ժողովուրդը համախմբվի ձեր առաջին սահմանադրության մեջ ամրագրված հիմնական արժեքների շուրջ: Քաղաքացիները, ընտրված պաշտոնյաները և կուսակցությունների առաջնորդները պետք է քայլեր ձեռնարկեն քաղաքական ճգնաժամը մեղմելու, ժողովրդավարական հաստատություններում խաղաղ աշխատելու և Վրաստանը եվրաատլանտյան ինտեգրման ճանապարհին պահելու համար:

Ճիշտ այնպես, ինչպես 1921 թվականին, կան մարդիկ, ովքեր ցանկանում են տեսնել Վրաստանը պարտված այս ջանքերի դիմաց, ովքեր Վրաստանի ժողովրդավարության հաջողությունը համարում են սպառնալիք:

Վրաց ժողովուրդը շատ քրտնաջան աշխատեց երկրում առաջին ժողովրդավարությունը հաստատելու համար, շատերը 30 տարի առաջ պայքարեցին դրա վերադարձի համար և շատ արյուն, քրտինք ու արցունք թափեցին այն վերականգնելու համար: Ժողովրդավարության համար աշխատելը քրտնաջան աշխատանք է և այն երբեք չի ավարտվում, այդ իսկ պատճառով ԱՄՆ-ը կշարունակի կողքին լինել և աջակցել վրաց ժողովրդին `միասին առաջ գնալու այս կարևոր ջանքերում: