Վրաստանի արտաքին գործերի նախարարության տեղեկությամբ, Ժնևի միջազգային բանակցությունների 49-րդ փուլին խոսքը վերաբերել է հունիս-սեպտեմբերին, Աբխազիայի շրջանում օկուպացնող գոտու տարածքում տեղաշարժման առումով սահմանված արհեստական պատնեշներին:

Ինչպես նշված է գերատեսչության տարածած հայտարարությունում, համանախագահները, ԱՄՆ-ի և Վրաստանի ներկայացուցիչները Մոսկվայից, Սոխումիից և Ցխինվալիից ժամանած մասնակիցներին կոչ են արել, բացել «անցակետերը» և չխոչընդոտել տեղի բնակչության ազատ տեղաշարժը:

«Քննարկման առարկաներից մեկն էր Գալիի և Ախալգորիի շրջանների բնակիչների նկատմամբ ազգային հողի վրա խտրական վերաբերմունքը և ճնշումը: Սուր կերպով բարձրացվել է ազգային ինքնության փոփոխման առնչությամբ այնտեղ բնակվող վրացիներին ճնշելու հարցը, ինչպես նաև՝ մայրենի լեզվով կրթության արգելքի ծանր հետևանքները»,- նշված է Վրաստանի արտաքին գործերի նախարարության տեղեկությունում:

Բանակցությունների հաջորդ փուլն անցկացվելու է 2019 թվականի դեկտեմբերի 10-11-ին:

Հիշեցնենք, որ Ժնևի միջազգային բանակցություններն ստեղծվել են 2008 թվականի օգոստոսի 12-ի հրադադարի մասին պայմանագրի հիման վրա: