«Վրացական երազանք» կուսակցությունն անցկացնելու է համագումար
10:21, 11.05.2018
Այսօր անցկացվելու է «Վրացական երազանք-ժողովրդավարական Վրաստան» քաղաքական միավորման հինգերորդ համագումարը:
Համագումարին կուսակցության նախագահ են ընտրելու Բիձինա Իվանիշվիլուն: Ինչպես նաև ընտրվելու է կուսակցության նոր քաղխորհուրդը:
Համագումարն անցկացվելու է աշխատանքային ձևաչափում և դրան ներկա են գտնվելու կուսակցության պատվիրակները և քաղխորհրդի թիմի անդամները:
16:00-ին փակ ձևաչափում սկսվելու է գործընթացային մասը, իսկ 17:00-ից հեռարձակվելու է համագումարի պաշտոնական մասը:
Համագումարն անցկացվելու է Մթածմինդայի այգում, «Անդերվիլում»:
Կախա Կալաձեն արդեն անվանել է կուսակցության քաղխորհրդի կազմը:
