Վարակման չորս նոր դեպքը, որոնց աղբյուրը հայտնի չէ, շատ տագնապալի է, սա փաստորեն չորս նոր կլաստեր է. Գիորգի Գախարիա

11:34, 11.06.2020

Չափազանց տագնապալի է այն փաստը, որ կորոնավիրուսով վարակման վեց նոր դեպքերից չորսի վարակման աղբյուրը այս պահին հայտնի չէ,- այս մասին Վրաստանի վարչապետ Գիորգի Գախարիան հայտարարել է կառավարության նիստում:

Նրա խոսքով, նշված չորս դեպքից երեքը Թբիլիսիում է:

«Այսօր, հունիսի 11-ին մենք ունենք վարակման 6 նոր դեպք: Առաջին հայացքից սա շատ չէ, սակայն առանձնահատուկ տագնապալի է այն փաստը, որ այս վեց նոր դեպքերից չորսի վարակման աղբյուրը այս պահին անհայտ է: Այս չորս նոր դեպքից երեքը Թբիլիսիում է: Մեկ անգամ ևս ցանկանում եմ նշել, որ չնայած մենք բացել ենք տնտեսությունը, մենք կայացրել ենք որոշումներ, որոնց համաձայն մեր քաղաքացիներին հնարավորություն է տրվում ապրել ավելի քիչ սահմանափակումներով, չպետք է մոռանանք, և չունենանք պատրանք, որ վարակը պարտված է»,- ասել է վարչապետը:

Ինչպես նշել է վարչապետը, փաստորեն դա չորս նոր կլաստեր է:

Հեղինակ - edgar barsegyan

Քաղաքական

Գիորգի Գախարիա

Կառավարության նիստ

Կորոնավիրուս