«Թուրքիշ Աիրլայնսը» կորոնավարակի պատճառով չեղարկել է իր թռիչքները դեպի Իտալիա
Թուրքական «Թուրքիշ Աիրլայնս» ավիաընկերությունը կորոնավարակի պատճառով չեղարկել է թռիչքները դեպի Իտալիա:
Ինչպես ասված է ընկերության հայտարարության մեջ, թռիչքները դադարեցվել են մարտի 1-ից:
Իտալիան Եվրոպայում կորոնավարակի տարածման էպիկենտրոնն է:
Երկրում հիվանդությունից մահացել է 29 մարդ, իսկ վարակվածների թիվը գերազանցում է 1100-ը:
Կորոնավարակի տարածման դեմ պայքարի շրջանակներում, ավիաընկերության 250 ինքնաթիռներ ախտահանվել են:
Ավելի վաղ թուրքական ավիաընկերությունը դադարեցրել էր թռիչքները դեպի Չինաստան և Իրան: