Թուրքիայում ձերբկալել են ապօրինի միգրանտների Եվրոպա տեղափոխմանը ներգրավված հանցավոր խմբի անդամների: Ինչպես պնդում է Թուրքիայի իշխանությունը, նրանց կողմից ձերակալված քրեագործները Մերձավոր Արևելքի տարածաշրջանից եկած ներգաղթյալներին տարիներ շարունակ օգնում էին տեղափոխվել Եվրոպա:
Հետաքննության վարկածով, ձերբակալվածները կապ ունեն Ուկրաինայում, Իտալիայում և Հունաստանում գտնվող հանցագործների հետ:
Հատուկ գործողության արդյունքում թուրք իրավապահները ձերբակալել են 569 անօրեն ներգաղթյալի: Նրանցից առգրավել են վեց ավտոմեքենա և վեց նավ, որով աֆղանցի, իրաքցի և սիրիացի միգրանտներին տեղափոխում էին Եվրոպա: