Թուրքիայում արձակել են Ֆեթուլլահ Գյուլենի կազմակերպության հետ կապ ունենալու մեջ մեղադրվող հարյուրավոր մարդու ձերբակալման օրդեր
Թուրքիայում ընթացող լայնածավալ հատուկ գործողության շրջանակներում, ԱՄՆ-ում բնակվող մահմեդական քարոզչի, Ֆեթուլլահ Գյուլենի կազմակերպության հետ կապ ունենալու մեղադրանքով, արձակվել է 467 մարդու ձերբակալության օրդեր: Ինչպես գրում է «հուրիեթ» թերթը, ռեյդերը իրականացվել են Թուրքիայի 67 նահանգներում:
Կասկածյալների թվում են արդարադատության նախարարության նախկին և ներկա աշխատակիցները: Նրանցից մեծ մասը կասկածվում են 2009 թվականին ոստիկանությունում պաշտոններ զբաղեցնելու համար ընդունելության քննությունների արդյունքների կեղծման մեջ: Բացի այդ, մեկ այլ հետաքննության շրջանակներում, Թուրքիայի դատախազությունը հրաման է արձակել այլ գործով 228 կասկածյալի ձերբակալության վերաբերյալ: Դրանց թվում են նախկին և ներկա զինվորականներ: