ԹՊՀ-ի հոբելյանի կապակցությամբ Ազգային բանկը թողարկել է արծաթե մետաղադրամներ
13:10, 01.02.2018
Իվանե Ջավախիշվիլու անվան Թբիլիսիի պետական համալսարանի 100-ամյա հոբելանի կապակցությամբ Վրաստանի ազգային բանկը թողարկել է 5 լարիանոց արծաթե մետաղադրամ:
Մետաղադրամի շնորհանդեսին ներկա են գտնվել Ազգային բանկի նախագահ Կոբա Գվենետաձեն և Թբիլիսիի պետական համալսարանի ռեկտոր Գիորգի Շարվաշիձեն:
Մետաղադրամի դիզայնի հեղինակը Նինո Գոնգաձեն է և այն 1500 օրինակով պատրաստվել է Իսպանիայում:
Մետաղադրամի արժեքը 95 լարի է և այն հնարավոր է գնել փետրվարի 1-ից:
