Թեմիրլան Մաչալիկաշվիլիի առողջական վիճակի հետ ծանոթանալու նպատակով, Թբիլիսիում սպասում են արտասահմանյան մասնագետների
Թեմիրլան Մաչալիկաշվիլիի առողջական վիճակի հետ ծանոթանալու նպատակով, Թբիլիսիում սպասում են արտասահմանյան մասնագետների

Պանկիսիի կիրճի Դուիսի գյուղում իրականացրած հատուկ գործողության ժամանակ վիրավորված 19 ամյա Թեմիրլան Մաչալիկաշվիլիի առողջական վիճակի հետ ծանոթանալու նպատակով, Թբիլիսիում սպասում են արտասահմանյան մասնագետների:

Նրա ընտանիքի անդամները հայտարարում են, որ եթե հնարավոր կլինի նրա տեղափոխումը արտասհման, ապա նրանք կհամաձայնեն դրան:

Բժիշկների խոսքերով Մաչալիկաշվիլիի վիճակը ծայրահեղ ծանր է, նա այս պահին նա միացված  է արհեստական շնչառության սարքին:

«Հիվանդի վիճակը ծայրահեղ ծանր է: Երկու օրվա ընթացքում մենք նկատում ենք բացասական դինամիկա: Ինչ վերաբերում է արտասահմանցի բժիշկներին, ապա ընտանիքի անդամների խոսքերով նրանցից մեկը այսօր ժամանելու է Վրաստան իրավիճակին ծանոթանալու նպատակով, իսկ մնացածները ցանկություն են հայտնել հիվանդին բուժել արտասահմանում»,- ասել է Սուրբ Միքայելի անվան հիվանդանոցի ղեկավար Զազա Լուրսմանաշվիլին:

Հիշեցնենք, Վրաստանի պետական անվտանգության ծառայությունը ահաբեկչության  ֆինանսավորման, ահաբեկչական գործունեությանը այլ նյութական օգնության և ռեսուրսներով ապահովելու մեղադրանքով ձերբակալել է հինգ մարդու:

Թեմիրլան Մաչալիկաշվիլին ձերբակալության ժամանակ փորձել է դիմադրել իրավապահներին, կոնկրետ նա փորձել է պայթեցնել նռնակ, երբ հատուկ ջոկատայինները ստիպված են եղել պատասխանել կոշտ գործողություններով և կրակ են բացել նրա ուղղությամբ, արդյունքում նա վիրավորվել է և տեղափոխվել  հիվանդանոց:

Թողնել մեկնաբանություն