Թբիլիսիի մանկապարտեզներում սկսվել է երեխաների համար սննդամթերքի բաժանումը: Գլդանիի թաղամասում N102 մանկապարտեզում մանկապարտեզների կառավարման գործակալության պետ Կախաբեր Գվանցելաձեն ծանոթացել է սոցիալական նախագծի ընթացքին:
Կախաբեր Գվանցելաձեի խոսքով, մանկապարտեզներում սննդամթերքի տրամադրումն իրականացվում է կովիդ-կանոնակարգերի լիակատար համապատասխանությամբ:
Ըստ մանկապարտեզների կառավարման գործակալության, սնունդ կտրամադրվի նաեւ նորակառույց մանկապարտեզի երեխաներին, որը նախատեսվում է բացել դաստիարակչական գործընթացի վերսկսման ժամանակ:
«Ինչպես գիտեք, Համակարգող խորհրդի որոշման համաձայն, ծանր համաճարակային իրավիճակի պատճառով դաստիարակչական գործընթացի մեկնարկը հետաձգվեց մինչև հոկտեմբերի 4-ը: Այդ իսկ պատճառով, քաղաքապետ Կախա Կալաձեի որոշմամբ, մենք թարմացրել ենք սոցիալական նախագիծը, որի շրջանակներում 10 ապրանքատեսակների փաթեթները բաժանվում են սննդամթերք ստանալ ցանկացող երեխաների ընտանիքներին, և այդպիսի 50 հազար երեխա կա», – ասել է Կախաբեր Գվանցելաձեն:
Սոցիալական նախագիծը, որի շրջանակում երեխաների համար նախատեսված սննդամթերքը կփոխանցվի երեխաների ընտանիքներին ուսումնական գործընթացի դադարեցման պայմաններում, իրականացվում է 2020 թվականի մարտից՝ Թբիլիսիի քաղաքապետ Կախա Կալաձեի նախաձեռնությամբ: Ներկայումս Թբիլիսիում հաշվառված է 188 մանկապարտեզ և մինչև 61 000 երեխա:
Ինչ վերաբերում է ուսումնական գործընթացի վերսկսմանը, ապա, ըստ Կախաբեր Գվանցելաձեի, գործակալությունը պատրաստ է հոկտեմբերի 4-ից վերսկսել մանկապարտեզներում երեխաների ընդունումը: Նրա խոսքով, կպահպանվեն կանոնակարգերը և երեխաների անվտանգությունը:
«Մենք պատրաստ ենք վերսկսել կրթական գործընթացը հոկտեմբերի 4-ից: Չափից շատ կանոնակարգեր կպահպանվեն մեր կողմից: Եթե երեխան ջերմություն է ունենում, նա տեղափոխվում է մասնագիտացված սենյակ եւ սպասում ծնողին: Եթե ծնողը չներկայանա և ողջամիտ ժամկետում չտանի երեխային, ապա մենք միջոցներ կձեռնարկենք և կդիմենք շտապ օգնությանը», – ասաց Կախաբեր Գվանցելաձեն:
Ինչ վերաբերում է անձնակազմի պատվաստմանը, ապա, ըստ Գվանցելաձեի, գրանցումն ընթացքի մեջ է, եւ տվյալները հայտնի կդառնան ավելի ուշ: