Թամար Գաբունիա. Նախարարության բոլոր կառույցները կշարունակեն աշխատել՝ երկիր ներկրվող բոլոր պատվաստանյութերի երաշխավորված որակն ապահովելու համար
Ցանկանում եմ իմ երախտագիտությունը հայտնել Չինաստանի պետությանը և դեսպանատանը զգալի օգնության համար՝ չինացի արտադրողներին օժանդակելու գործում: Արդյունքում, այսօր մենք երկրում արդեն ունենք «Sinopharm» պատվաստանյութի 100 000 չափաբաժին, – Հիվանդությունների վերահսկման ազգային կենտրոնում կայացած ճեպազրույցում ասաց առողջապահության փոխնախարար Թամար Գաբունիան:
Ըստ նրա՝ պատվաստանյութի որակն ու հուսալիությունը շատ բարձր է, ինչը կհաստատվի Առողջապահության համաշխարհային կազմակերպության կողմից սպասվող թույլտվությամբ:
«Պատվաստանյութի որակն ու հուսալիությունը շատ բարձր է: Դա կհաստատվի Առողջապահության համաշխարհային կազմակերպության կողմից սպասվող թույլտվությամբ: Այնուամենայնիվ, այդ մասիմ վկայում է նաև այն երկրների աճող թիվը և միլիոնավոր մարդիկ, ովքեր արդեն պատվաստվել են այս պատվաստանյութով: Սա ստեղծում է շատ լավ պաշտպանություն՝ և՛ ծանր դեպքերը և հոսպիտալացումը կանխելու, և՛ վարակը տարածելու առումով: Իհարկե, առողջապահության նախարարության համար կարևոր է իրականացնել անվտանգ, արդյունավետ պատվաստումների ծրագիր: Նախարարության բոլոր կառույցները կշարունակեն աշխատել առավելագույն մոբիլիզացմամբ, որպեսզի երկիր մտնող բոլոր պատվաստանյութերը լինեն երաշխավորված որակով և իրականացվեն հնարավորինս անվտանգ», – ասաց Թամար Գաբունիան: