Թամար Գաբունիա. Առողջապահության ոլորտը մոբիլիզացված է կորոնավիրուսի դեպքերի ներկայիս աճը կառավարելու համար
Վրաստանի առողջապահության փոխնախարար Թամար Գաբունիայի խոսքով, առողջապահության ոլորտը մոբիլիզացված է կորոնավիրուսով հիվանդացության օրական աճը կառավարելու համար:
Նրա խոսքով, առցանց կլինիկաների թիվն ավելացել է:
«Առողջապահության ոլորտը մոբիլիզացված է կորոնավիրուսի դեպքերի ներկայիս աճը պատշաճ կերպով կառավարելու համար: Ավելացվել են նաև առցանց կլինիկաները, քանի որ վերջին ժամանակաշրջանում դեպքերի աճող թվի պատճառով, իհարկե, մեծացել է նաև պատասխաններ տրամադրելու անհրաժեշտությունը», – ասաց Թամար Գաբունիան: