Վրաստանի խորհրդարանային պատվիրակությունը, խորհրդարանի նախագահի առաջին տեղակալ Թամար Չուգոշվիլիի գլխավորությամբ, հունվարի 28-ին մեկնելու է Ամերիկայի Միացյալ Նահանգներ:

Խորհրդարանի մամուլի ծառայության լրատվությամբ, այցի շրջանակներում, խորհրդարանային պատվիրակությունը հանդիպումներ է ունենալու կոնգրեսմենների, այդ թվում կոնգրեսի նորընտիր անդամների հետ: Ծրագրված է հանդիպում Ամերիկայի Միացյալ Նահանգների և Վրաստանի բարեկամության խմբի համանախագահներ՝ Ջերի Կոնոլիսի և Ադամ Կինզինգերի հետ, ինչպես նաև ԱՄՆ-ի ներկայացուցիչների պալատին կից «ժողովրդավարության գործընկերության պալատի» փոխնախագահ Դևիդ Պրայսի հետ:

Հանդիպումներ են տեղի ունենալու ՝ միջազգային հանրապետական ինստիտուտի (IRI) նախագահ Տեդ Տվինինգի, միջազգային կազմակերպություն «ազգային լումա ժողովրդավարության համար» (NED) նախագահ Կառլ Շերշմանի, «ընտրական համակարգի միջազգային հիմնադրամի» (IFES) ղեկավարության և ԱՄՆ-ի միջազգային զարգացման գործակալության (USAID) Եվրոպայի և Եվրասիայի բյուրոի վարչական օգնական Բրոկ Բիրմանի հետ:

Վրաստանի խորհրդարանի անդամները մասնակցելու են Գերմանիայի Մարշալի հիմնադրամում (GMF)  տեղի ունեցող կլոր սեղանի աշխատանքին և Ջորջ Վաշինգթոնի եվրոպական, ռուսական և եվրասիական կրթությունների ինստիտուտում տեղի ունենալիք բանախոսությանը: Կայանալու է նաև կլոր սեղան հրեական կազմակերպությունների ներկայացուցիչների հետ:

Խորհրդարանային պատվիրակության կազմում են՝ խորհրդարանի նախագահի տեղակալ Գիորգի Վոլսկին, եվրոպայի հետ ինտեգրման կոմիտեի նախագահ Թամար Խուլորդավան և խորհրդարանային փոքրամասնության լիդերի տեղակալ Էլենե Խոշտարիան: