Սլովակիայի Հանրապետության արտաքին գործերի և եվրոպական հարցերով նախարար Իվան Կորչոկը հոկտեմբերի 17-18-ը պաշտոնական այցով կայցելի Վրաստան:

Ինչպես հայտնում են Վրաստանի արտաքին գործերի նախարարությունից, այցի շրջանակներում Իվան Կորչոկը հանդիպում կունենա Վրաստանի վարչապետ Իրակլի Ղարիբաշվիլիի և խորհրդարանի նախագահ Կախա Կուճավայի հետ:

Սլովակ առաջին դիվանագետը կհանդիպի նաև իր վրացի գործընկեր, փոխվարչապետ, արտաքին գործերի նախարար Դավիթ Զալկալիանիի հետ:

Բացի այդ, Սլովակիայի արտաքին գործերի նախարարը կայցելի բռնազավթված գիծ և տեղում կծանոթանա իրավիճակին:

«Հարկ է նշել, որ սլովակ նախարարի հետ միասին Վրաստան կայցելի Սլովակիայի գործարար պատվիրակությունը: Այցի շրջանակներում նախատեսվում է երկկողմ գործարար համաժողով անցկացնել Վրաստանի էկոնոմիկայի և կայուն զարգացման նախարարության և Առևտրաարդյունաբերական պալատի ներգրավմամբ:

Վրաստան կատարած պաշտոնական այցի ընթացքում Իվան Կորչոկը հարգանքի տուրք կմատուցի Վրաստանի միասնության համար պայքարում զոհված հերոսների հուշահամալիրին և գրառում կկատարի պատվո գրքում», – ասել են Վրաստանի ԱԳ նախարարությունում: