Հյուսիսատլանտյան դաշինքի գլխավոր քարտուղար, Յենս Սթոլթենբերգը ասում է, որ Սև ծովը ռազմավարական նշանակություն ունի ՆԱՏՕ-ի համար: Այս մասին նա հայտարարել է, Ուկրաինայի վարչապետ Դենիս Շմիգալի հետ համատեղ մամուլի ասուլիսում:

«Մենք պետք է գիտակցենք, որ Սև ծովը ռազմավարական նշանակություն ունի ՆԱՏՕ-ի և ՆԱՏՕ-ի դաշնակիցների, ինչպես նաև մեր ափամերձ անդամների` Թուրքիայի, Բուլղարիայի և Ռումինիայի համար, և այս տարածաշրջանում մենք ունենք երկու մերձավոր և շատ արժեքավոր գործընկերներ `Ուկրաինան և Վրաստանը: Միևնույն ժամանակ, մենք Սև ծովում տեսնում ենք զգալի ռուսական ամրապնդումներ ՝ Ղրիմի ապօրինի բռնակցման արդյունքում, ինչպես նաև այս տարի ռուսական նավատորմի թվի աճով», – հայտարարել է Ենս Սթոլթենբերգը:

ՆԱՏՕ-ի գլխավոր քարտուղարի խոսքով, դաշինքը նույնպես ամրապնդել է իր ներկայությունը Սևծովյան տարածաշրջանում և վերջին մի քանի օրվա ընթացքում Սև ծովում տեղակայել է երեք ամերիկյան ռազմանավ: Միևնույն ժամանակ, ՆԱՏՕ-ն ուժեղացնում է իր աջակցությունը Վրաստանին և Ուկրաինային, այդ թվում `նրանց ռազմածովային ուժերի օգնությամբ:

«Մենք պետք է համոզվենք, որ Սև ծովում չի գերակշռում մեկ երկիր, մասնավորապես Ռուսաստանը», – ասել է Ենս Սթոլթենբերգը: