Սենատոր Շահինը մեզ հիշեցրեց այն, ինչ լավ գիտեինք, որ եթե ոչ արևմտյան գործընկերների ճնշումը, Սաակաշվիլին խաղաղ ճանապարհով չէր հրաժարվի իր իշխանությունից. Իրակլի Կոբախիձե
Սենատոր Շահինը մեզ հիշեցրեց այն, ինչ լավ գիտեինք, որ եթե ոչ արևմտյան գործընկերների ճնշումը, Սաակաշվիլին խաղաղ ճանապարհով չէր հրաժարվի իր իշխանությունից. Իրակլի Կոբախիձե

Փաստորեն, սենատոր Շահինը լավ հիշեցրեց այն, ինչը մենք շատ լավ գիտեինք. Եթե ոչ արևմտյան գործընկերների ճնշումը, Սաակաշվիլին խաղաղ ճանապարհով չէր հրաժարվի իր իշխանությունից,- այս մասին Վրաստանի առաջին ալիքին տված հարցազրույցում հայտարարել է խորհրդարանական մեծամասնության առաջնորդ Իրակլի Կոբախիձեն:

«Դրա նշաններն արդեն տեսանելի էին, երբ զուգահեռաբար սենատորները խոսում էին Վրաստանի այն ժամանակվա նախագահի հետ, նա կենտրոնացնում էր հատուկ նշանակության ջոկատները և նրանք արդեն սկսել էին հարձակումները ընտրական վարչակազմի վրա: Դրանք այն ժամանակվա գործընթացներն էին, և մեր արևմտյան գործընկերների ճնշման տակ էր, որ Միխեիլ Սաակաշվիլին դադարեցրեց իր բռնի գործողությունները: Մենք բոլորս դա շատ լավ հիշում ենք, բայց լավ է, որ սենատոր Շահինը մեզ ևս մեկ անգամ հիշեցրեց այդ մասին»,- հայտարարել է Իրակլի Կոբախիձեն:

Սենատոր Ջին Շահինը, ելույթ ունենալով Կոնգրեսում, որպես իշխանության խաղաղ փոխանցման օրինակ բերեց 2012 թվրականի Վրաստանի ընտրությունները: Նրա խոսքով, 2012 թվականին մտահոգություն կար, որ Սաակաշվիլին չի հրաժարվի իշխանությունից: Սենատորի հայտարարությամբ, 2012 թվականի խորհրդարանական ընտրությունների երկրորդ օրը նա և սենատոր Ռիշը հանդիպել են Միխեիլ Սաակաշվիլիի հետ: «Մենք նստեցինք և մատնանշեցինք, որ ժողովրդավարության հիմքը, որի համար նա, որպես Վրաստանի նախագահ, ութ տարի քրտնաջան աշխատել է, հենց իշխանության փոխանցումն էր խաղաղ ընտրությունների ճանապարհով»,- հայտարարել է սենատոր Շահինը:

Թողնել մեկնաբանություն