Սալոմե Զուրաբիշվիլին տարածել է ուղերձ - Գնացեք հանգիստ, արդար ընտրությունների
Սալոմե Զուրաբիշվիլին տարածել է ուղերձ - Գնացեք հանգիստ, արդար ընտրությունների

Վրաստանի նախագահ Սալոմե Զուրաբիշվիլին ուղերձ է տարածել խորհրդարանական ընտրությունների վերաբերյալ:

Ինչպես նշված է Սալոմե Զուրաբիշվիլիի ուղերձում, կորոնավիրուսը զսպելը և տնտեսությունը փրկելը, երկրի կայունությունն ամրապնդելը, ժողովրդավարական առաջընթացն ամրապնդելը երկրի ներկայիս և այլընտրանք չունեցող առաջնահերթություններն են:

«Ընտրությունները երեք օրից են: Ես դիմում եմ ձեզ երկրի համար այս կարևոր փուլում. Զսպել կորոնավիրուսը և տնտեսությունը փրկելը, երկրի կայունությունն ամրապնդելը, ժողովրդավարական առաջընթացն ամրապնդելը երկրի ներկայիս և այլընտրանք չունեցող առաջնահերթություններն են: Այս պահին հարձակումն իրականացվում է այն ինստիտուտների վրա և փորձ է արվում վարկաբեկել այն անձանց, ում հասարակությունը վստահում է և որոնք ամենից շատն են պետք վաղվա համար, դրանք են – բանակը, իրավապահ մարմինները և առողջապահության ոլորտի ներկայացուցիչները: Իմ պարտականությունն է պաշտպանել այս կառույցները և անհատներին, որոնց վրա կանգնած է մեր երկրի ներկան և ապագան:

Բանակի մասին – մեկ անձի պատճառով, ով էլ լինի այդ անձը, աներևակայելի է, որ հանցագործությունը տարածվի ամբողջ բանակի վրա: Անընդունելի է ամբողջ բանակի մասին նվաստացուցիչ ու վարկաբեկող գնահատականներ տարածելը: Առավել ևս, այն երկիրը, որի տարածքները գրավված են և որը ձգտում է դեպի ՆԱՏՕ: Նման անհիմն մեղադրանքներն ուղղակիորեն խարխլում են երկրի շահերը և ծառայում արտաքին շահերը և ծառայում ապակայունացմանը  և օտար շահերին:

Որպես Վրաստանի պաշտպանության ուժերի գերագույն գլխավոր հրամանատար, ես կտրականապես դատապարտում և դատապարտելու եմ նման փորձերը: Ես ուզում եմ վերահաստատել վրացական բանակի նկատմամբ իմ վստահությունն ու հարգանքը», – ասված է ուղերձում:

Ինչպես պարզաբանում է Սալոմե Զուրաբիշվիլին, իրավապահների պրոֆեսիոնալիզմի մասին նվաստացուցիչ գնահատականները ծառայում են երկրի վարկաբեկմանն այն մասում, որտեղ երկիրը վայելում է բարձր միջազգային վարկանիշ և հեղինակություն:

«Մեր կառույցները արդյունավետ համագործակցում են մեր արևմտյան գործընկերների հետ տարբեր ոլորտներում՝ ներառյալ ահաբեկչությունն ու կիբերանվտանգությունը: Գոյություն ունեցող համագործակցությունը կասկածի տակ դնելը չի ​​ծառայում մեր երկրի և մեր արևմտյան գործընկերների շահերին: Որպես նախագահ, կցանկանայի կտրականապես դատապարտել հասարակության աչքում մեր իրավապահների պրոֆեսիոնալիզմը ոտնահարելու և, ի վերջո, խաթարելու ներքին կայունությունը կանխամտածված փորձը: Ես կցանկանայի իմ երախտագիտությունը հայտնել բոլոր պատանդների կյանքը փրկելու համար անցկացված հաջող գործողության համար և հրապարակավ շնորհակալություն հայտնել այս գործողության ղեկավարին», – նշում է Սալոմե Զուրաբիշվիլին:

Բացի այդ, նախագահի ուղերձում նշվում է նաև առողջապահության ոլորտը:

«Առողջապահության ոլորտի մասին – ամենահայտնի և հարգված ներկայացուցիչներին անպատվելը և փորձել վարկաբեկել ծառայում է նրանց հեղինակության խարխլմանը և հասարակության շրջանում վստահության գործոնի թուլացմանը: Այն վստահության, որն առաջին հերթին մեր հաջողության բանալին էր: Մենք պետք է վստահություն ունենանք երկրի ներսում և դրսում, որպեսզի կարողանանք արդյունավետորեն կառավարել այս գործընթացը, խորացնել մեր միջազգային համագործակցությունը՝ լինի դա պատվաստանյութեր կամ այլ անհրաժեշտ դեղամիջոցներ:

Որպես նախագահ չեմ կարող չգնահատել երկրի և հասարակության առջև, հաճախ իրենց իսկ առողջության գնով, իրենց ամենամեծ վաստակը: Ցանկանում եմ իմ և հասարակության երախտագիտությունը հայտնել համաճարակաբաններին, բժիշկներին, բուժքույրերին և բոլոր այն մարդկանց, ովքեր առաջնագծում պայքարել և պայքարում են անտեսանելի թշնամու դեմ: Ես նաև ցանկանում եմ օգտվել առիթից և հարգել այն մարդկանց, ովքեր իրենց կյանքը զոհաբերեցին ուրիշներին փրկելու համար», – ասված է ուղերձում:

Ըստ Զուրաբիշվիլիի, այս հարձակումները ծառայում են երկրում անկայունության զգացում ստեղծելուն, վախի ու խուճապի տարածմանը և լարվածության առաջացմանը նախընտրական շրջանում:

«Մեր ընդհանուր պարտքն է քաջ գիտակցել, թե որոնք են մեր առջև ծառացած մարտահրավերները. Վրաստանը շարունակում է մնալ տարածաշրջանի ամենակայուն և ժողովրդավար երկիրը: Մենք պետք է պահպանենք և ամրապնդենք այս կարգավիճակը: Հաշվի առնելով տարածաշրջանում առկա հակամարտությունը, մեր կայունությունն էլ ավելի կարևոր է ինչպես մեզ համար, այնպես էլ ամբողջ տարածաշրջանի և մեր գործընկերների համար: Նաև թափանցիկ, խաղաղ և արդար ընտրությունները մեր ժողովրդավարական զարգացման ճանապարհին կդառնան ևս մեկ առաջ դրված քայլ: Չնայած կորոնավիրուսի մարտահրավերին, ես հավատում եմ, որ մենք կկարողանանք, անվտանգության առաջարկվող ստանդարտների լիակատար պահպանությամբ, բոլորին ցույց տալ բարձր քաղաքացիական ինքնագիտակցության ևս մեկ օրինակ: Այսպիսով, մեր ընտրություններին գնալը առկա բոլոր մարտահրավերների լավագույն պատասխանն է և վաղվա մեր այլընտրանք չունեցող երաշխիքը: Դա յուրաքանչյուր քաղաքացու պարտականությունն է, ձերը, իմը: Եվ վերջում, ես կցանկանայի շնորհավորել նրանց, ովքեր առաջին անգամ են գնում ընտրությունների, առաջին անգամ մասնակցելու են պետության զարգացմանը և դրանով որոշելու իրենց երկրի ապագան: Գնացեք ընտրությունների, գնացեք հանգիստ, արդար ընտրությունների», – ասվում է նախագահի ուղերձում:

Թողնել մեկնաբանություն