Վրաստանի նախագահը Ժնեւում հանդիպել է ՄԱԿ-ի մարդու իրավունքների գերագույն հանձնակատար Միշել Բաշելեի հետ:

Նախագահի մամուլի ծառայության հաղորդմամբ, կողմերը քննարկել են Վրաստանում մարդու իրավունքների իրավիճակը:

Նրանց խոսքով, նախագահը գերագույն հանձնակատարին է ներկայացրել Վրաստանի օկուպացված տարածքներում մարդու իրավունքների իրավիճակը և խոսել օկուպացիոն ռեժիմի կողմից Վրաստանի քաղաքացիների՝ Իրակլի Բեբուայի, Գենադի Բեստաևի և Գելա Գոճոշվիլիի անօրինական ձերբակալությունների մասին:

Որպես էթնիկ խտրականության նշան նշվել է Գալիի շրջանում վրացերենի ուսուցման արգելման փաստը: Զրույցը կենտրոնացել է Վրաստանի ինքնակառավարման մարմինների ընտրությունների եւ քաղաքական միջավայրի խոր բեւեռացման վրա, որը սրվում եւ մեծանում է կեղծ լուրերով:

Վրաստանի նախագահը շեշտեց ՏԻՄ ընտրություններին կանանց անբավարար ներգրավվածությունը: Հանդիպմանը քննարկվեց նաև համաշխարհային համերաշխության և պատվաստումների կարևորությունը համաճարակի հաղթահարման գործում:

Վրաստանի նախագահը խոսեց Վրաստանի օկուպացված տարածքներում ապրող բնակչության՝ համաճարակի դեմ պայքարի մեխանիզմներին լիարժեք հասանելիության կարևորության մասին:

Գերագույն հանձնակատարն իր զորակցությունն է հայտնել Բաթումիում տեղի ունեցած ողբերգության կապակցությամբ և ցավակցել Վրաստանի նախագահին և վրաց ժողովրդին: