Եթե համաներման մասին իմ որոշումը ընկալվել է ոստիկանին վիրավորում, խոստանում եմ, թույլ չտալ, հարցականի տակ դնել ոստիկանության նկատմամբ պետության ղեկավարի վերաբերմունքը,- այս մասին նշված է Վրաստանի նախագահ Սալոմե Զուրաբիշվիլու կողմից տարածած հայտարարությունում:

Նախագահի խոսքով, համաներման որոշումը, որը կայացվել է անկեղծ և իր պատասխանատվության տակ, հասարակության մեջ առաջացրել է հույզերի ալիք:

«Որպեսզի ապագայում նման ցավալի դեպք չկրկնվեն, հանդես եմ գալիս սկզբունքային նախաձեռնությամբ, որպեսզի արագացնենք իմ վարչությունում սկսած գործընթացը և օրենսդրական մարմնի և համապատասխան գերատեսչությունների հետ միասին կատարելագործենք համաներման կիրառման իրավունքը, որպեսզի այն պահպանվի որպես մարդասիրական բացառություն և նվազեն այն ռիսկերը, որոնք մշտապես ուղեկցում էին այս գործընթացին:

Բազմիցս հայտարարել եմ, որ ոստիկանությունը պետության հիմնական հենարաններից մեկն է, որ կայունությունը և անվտանգությունը հիմնված են մեր ոստիկանների հավատարմության և անձնուրացության վրա: Ուստի, եթե իմ որոշումը ընկալվել է որպես ոստիկանին վիրավորում, ցանկանում եմ մեկ անգամ ևս հստակ հաստատել իմ հարգանքը և խոստանալ, որ թույլ չեմ տա, հարցականի տակ դնել ոստիկանության նկատմամբ պետության ղեկավարի վերաբերմունքը»,- նշված է Սալոմե Զուրաբիշվիլու հայտարարության մեջ:

Վրաստանի նախագահը Մարիամոբա տոնի կապակցությամբ համաներում էր շնորհել 34 կալանավորի, այդ թվում՝ ոստիկանության սպանության մեջ դատապարտյալին: