Վրաստանի Նախագահ Սալոմե Զուրաբիշվիլին Բրյուսելում Եվրոպական խորհրդի նախագահ Շառլ Միշելի հետ հանդիպման ժամանակ ասաց, որ Վրաստանը սպասում է Եվրամիությունից կորոնավիրուսի պատվաստանյութի վերաբերյալ կարևոր որոշմանը:

Այնուամենայնիվ, Շառլ Միշելը նշեց, որ նախագահի խնդրանքն ընդունված է, և նա կփորձի իր գործընկերների հետ միասին համապատասխան արդյունքի հասնել այդ հարցում:

Սալոմե Զուրաբիշվիլին Շառլ Միշելի հետ հանդիպումն սկսեց Ստրասբուրգի դատարանի վճռի կարևորության մասին խոսելով և նշեց, որ սպասում է դատարանի պատմական դատավճռին:

Նախագահն ասել է, որ կարևոր է ԵՄ կողից պատշաճ արձագանքել այս հարցին:

Այնուամենայնիվ, Շառլ Միշելը ասաց, որ Ստրասբուրգի դատարանի որոշումը կքննարկի իր գործընկերների հետ այսօր երեկոյան կայանալիք գագաթնաժողովում:

Շառլ Միշելը վերահաստատեց իր աջակցությունը Վրաստանի տարածքային ամբողջականությանը և ինքնիշխանությանը:

Հանդիպման ընթացքում քննարկվել են նաև Վրաստանի և Եվրամիության հարաբերությունների կարգավորմանն ուղղված կոնկրետ և պրագմատիկ քայլերը, որոնց շուրջ պետք է շարունակել համատեղ աշխատել:

Սալոմե Զուրաբիշվիլին Շառլ Միշելին հրավիրեց Վրաստան, ինչի համար Եվրոպական խորհրդի նախագահը շնորհակալություն հայտնեց նրան և պատրաստակամություն հայտնեց ժամանել:

Տեղեկատվությունը տարածում է Վրաստանի նախագահի մամուլի ծառայությունը: