Վրաստանի նախագահ Սալոմե Զուրաբիշվիլիի խոսքով, կարևոր է պատվաստել կորոնավիրուսի դեմ՝ հասարակությունը և երկիրը ներկայիս ճգնաժամից պաշտպանելու համար:

Սալոմե Զուրաբիշվիլին այսօր հրապարակավ պատվաստվեց «Աստրազենեկա» պատվաստանյութով:

«Ես այսօր պատվաստանյութը առանց հերթ եմ ստացել, քանի որ այն դեռ նախագահի համար սահմանված չէ, և ես այն խմբում չեմ, որին վերաբերում է: Առաջին հերթին կան մի շարք բժիշկներ, բուժքույրեր և բուժանձնակազմ, ովքեր այս ամիսները շատ ծանր են անցել և դրա կարիքը շատ ունեն, այսօր նրանք պատվաստվում են, որպեսզի առաջին հերթին վարակիչ չլինեն, պաշտպանված լինեն, քանի որ շատ բան կախված է նրանցից: Այնուհետև կլինեն մի շարք այլ խմբեր, և եթե մենք ուզում ենք դուրս գալ համաշխարհային համաճարակի տնտեսական ահավոր հետևանքներից, ապա անհրաժեշտ է, որ օգտագործենք մեզ տրվածը և պաշտպանենք հասարակությունը, երկիրը: Մաղթում եմ բոլորիդ քաջառողջություն և վստահ եմ, որ մենք կհաղթահարենք այս և այլ մարտահրավերները», – ասաց Սալոմե Զուրաբիշվիլին: