Վրաստանի նախագահ Սալոմե Զուրաբիշվիլին արձագանքում է ԱՄՆ-ի պետական քարտուղարի Վրաստան նախատեսված այցին:

«Ողջունում ենք ԱՄՆ-ի պետական քարտուղարի այցը Վրասան: Մեր ռազմավարական գործընկերոջ, ԱՄՆ-ի աջակցությունը կարևոր է մեր ժողովրդավար զարգացման, տարածաշրջանում խաղաղության և կայունության համար»,- գրում է Զուրաբիշվիլին «Թվիթերում»:

Վրաստանի արտաքին գործերի նախարարությունը երեկ տեղեկություն էր տարածել Մայք Փոմփեոյի այցի մասին: Արտաքին գերատեսչության փոխանցմամբ, ԱՄՆ-ի պետական քարտուղարը նոյեմբերի 17-ին Վրաստան կժամանի երկօրյա այցով:

Պետական դեպարտամենտի փոխանցմամբ, Վրաստան այցի ժամանակ Մայք Փոմփեո հանդիպել է Սալոմե Զուրաբիշվիլուն, Գիորգի Գախարիային, Դավիթ Զալկալիանիին և Իլիա Երկրորդին:

We welcome the visit of the U.S. Secretary of State to Georgia. The support from our strategic partner, the United States, for our democratic development and for peace and stability in the region is important. ????

— Salome Zourabichvili (@Zourabichvili_S) November 11, 2020