Սալոմե Զուրաբիշվիլի. Չնայած բռնազավթված տարածքների, մենք հզոր, ժողովրդավար, անկախ երկիր ենք
Սալոմե Զուրաբիշվիլի. Չնայած բռնազավթված տարածքների, մենք հզոր, ժողովրդավար, անկախ երկիր ենք

Վրաստանի այսօրվա իրականությունն այն է, որ մեզ պատերազմը չհաղթեց: Չնայած բռնազավթված տարածքների, մենք հզոր, ժողովրդավար, անկախ երկիր ենք,- այս մասին հայտարարել է Վրաստանի նախագահ Սալոմե Զուրաբիշվիլին Մուխաթգվերդիի եղբայրական գերեզմանոցում:

Նրա խոսքով, օգոստոսյան պատերազմում զոհված հերոսները Վրաստանի ուժն են:

«Այս օրը ողբերգական է: Միևնույն ժամանակ, սա մեր երկրի համար հույսի օր է: Սա մեր ճակատագիրն է, սակայն մենք հաղթահարել ենք և ապագայում ևս կհաղթահարենք ամեն բան:

Վրաստանի այսօրվա իրականությունն այն է, որ մեզ պատերազմը պարտության չմատնեց: Չնայած բռնազավթված տարածքների, մենք հզոր, ժողովրդավար, անկախ երկիր ենք: Դրա ապացույցն է այսօր և երեկ մեր միջազգային գործընկերների արձագանքները: Մենք զարգանում ենք և չենք խոնարհվում Ռուսաստանի առջև: Այսպիսին է եղել Վրաստանը և կլինի միշտ»,- հայտարարել է Սալոմե Զուրաբիշվիլին:

Օգոստոսյան պատերազմի 12-րդ տարելիցի կապակցությամբ Մուխաթգվերդիի եղբայրական գերեզմանատանն էին վարչապետ Գիորգի Գախարիան, նախագահ Սալոմե Զուրաբիշվիլին, նախարարների կաբինետի անդամները, խորհրդարանի նախագահ Արչիլ Թալակվաձեն, խորհրդարանական մեծեմասնության անդամները, Թբիլիսիի քաղաքապետ Կախա Կալաձեն և դիվանագիտական կորպուսի ներկայացուցիչները:

Թողնել մեկնաբանություն