Սալոմե Զուրաբիշվիլի. Չի կարելի մոռանալ Էնգուրիի կամրջի մյուս կողմում բնակվող մեր հայրենակիցներին, այսօր բաժանված ենք, սակայն միասին ենք և պետք է շնորհավորենք միմյանց
11:47, 06.01.2019
Վրաստանի նախագահ Սալոմե Զուրաբիշվիլին երեխաներին հյուրընկալել է «Նախագահի տոնածառ» միջոցառմանը Զուգդիդիում:
Սալոմե Զուրաբիշվիլին տոնական միջոցառմանը եղել է Գիգա Օթխոզորիայի երեխաների և 87-ամյա 11 երեխա ունեցող տիկնոջ հետ միասին:
Վրաստանի նախագահի վարչության տեղեկությամբ, տոնական համերգից առաջ նախագահը դիմել է հավաքված բնակչությանը և մեկ րոպե լռությամբ հարգել Գիգա Օթխոզորիայի և հայրենիքի համար զոհված հերոսների հիշատակին:
«Երբ Զուգդիդիում ենք, չի կարելի մոռանալ կամրջի մյուս կողմում բնակվող մեր հայրենակիցներին, մեր երկրի քաղաքացիներին: Այսօր բաժանված ենք, սակայն միասին ենք և պետք է շնորհավորենք միմյանց, պետք է մտածենք այն մասին, թե ինչպես միավորվենք, հաշտվենք»,- նշել է Սալոմե Զուրաբիշվիլին:
