Սաակաշվիլին չի կարող որևէ վնաս հասցնել վրացական քաղաքականությանը, նա իր դիրքորոշումներով կարող է վնաս հասցնել Ուկրաինային: Այս մասին ասել է խորհրդարանական մեծամասնության անդամ Իրակլի Կոբախիձեն:

Ինչպես նշել է Իրակլի Կոբախիձեն, Միխեիլ Սաակաշվիլու հետ կապված Վրաստանը հաստատել է իր դիրքորոշումը:

«Մեզ համար անընդունելի էր այն, որ պետական ծառայող նշանակվեց այնպիսի անձ, որը մեզ մոտ դատապարտված է լուրջ հանցագործությունների համար: Դա մեր պետական ​​արժանապատվության հարցն էր: Ինչ վերաբերում է մնացածին, իհարկե, Սաակաշվիլին չի կարող որևէ վնաս հասցնել վրացական քաղաքականությանը, նա կարող է իր դիրքորոշումներով վնաս հասցնել Ուկրաինային, բայց մեծ հույսեր ունենք, որ մեր ընկերներին չի սպառնում նույն սպառնալիքը, որը կար Սաակաշվիլու պետական ծառայությամբ զբաղվելու ժամանակ», – հայտարարել է Իրակլի Կոբախիձե: