Ռուսաստան Վրաստանի միջև այսօրվանից պաշտոնապես դադարեցվել են ուղիղ չվերթները:

Ռուսաստանի որոշմամբ, երկրների միջև ուղիղ ավիաչվերթները դադարեցնում են վեց ռուսական և երկու վրացական ավիաընկերություններ:

Թռիչքների դադարեցման մասին հրամանը Ռուսաստանի նախագահ Վլադիմիր Պուտինը արձակել է հունիսի 21-ին:

Պուտինը կարգադրել է նաև իր կառավարության անդամներին հայրենիք վերադարձնել Վրաստանում գտնվող ռուս զբոսաշրջիկներին: Միևնույն ժամանակ պարտադրել է երկրում գործող զբոսաշրջային ընկերություններին արգելքի ընթացքում դադարեցնել Վրաստան ուղեգրերի տրամադրումը:

Մինչ սահմանափակումը Վրաստանից Ռուսաստան վերջին ավիաչվերթը կատարվել է երեկ:

Ռուսաստանի կողմից հաստատված պատժամիջոցների պատճառով, «Ջորջիան աիրվեյս» ավիաընկերությունը փոխում է իր թռիչքների գրաֆիկը և ուղևորներին սպասարկելու է Թբիլիսի-(Երևան)-Մոսկվա, (Երևան) – Թբիլիսի ուղիներով: