Բիձինա Իվանիշվիլին հանրության բողոքը հաշվի առնելու և Գախարիային պաշտոնից զրկելու փոխարեն, հակառակը՝ նստեցրեց մեր գլխին,- այսպես է «Ազգային շարժում» խորհրդարանական դաշինքի նախագահ Ռոման Գոցիրիձեն արձագանքել Գիորգի Գախարիային վարչապետ առաջադրելուն:

Ինչպես հայտարարում է Ռոման Գոցիրիձեն, այսօրվա կառավարությունը «լիովին բավարարում է Ռուսաստանի շահերը»:

«Իվանիշվիլին ավելի շատ հարգում է շնաձկանը և վագրաձիուն, քան՝ ժողովրդին: Այն բանի փոխարեն, որ հաշվի առներ հանրության բողոքը և պաշտոնազուրկ աներ Գախարիային, հակառակը, նրան նստեցրեց մեր գլխին: Այսօր նա կառավարության նախագահն է: Սա հանրությանը ծաղրել է, ապտակ և մարտահրավեր: Հանրությունը կընդունի այս մարտահրավերը և շատ վատ կավարտվի «Վրացական երազանքի» քաղաքական ճակատագիրը, քանի որ այն կառավարությունը, որը մենք այժմ ունենք, դա փաստացի Գավրիլովի կառավարությունն է: Սա Ռուսաստանի շահերի բավարարում է»,- հայտարարել է Ռոման Գոցիրիձե:

Նրա խոսքով, Բիձինա Իվանիշվիլու գործողությունները ծառայում են նախընտրական շրջանում դիրքերի ամրապնդմանը: