Պլեբիսցիտի վերաբերյալ Միխեիլ Սաակաշվիլիի հայտարարություններին սկզբունքորեն համաձայն չեմ, ինչպես նաև շատ այլ բաներում. Մամուկա Խազարաձե
Ես սկզբունքորեն համաձայն չեմ Միխեիլ Սաակաշվիլիի հայտարարության հետ, որը վերաբերում է պլեբիսցիտին, ինչպես նաև շատ բաներում համաձայն չեմ նրա հետ, – այս մասին «Տվ Պիրվելիի» եթերում հայտարարել է «Լելո» կուսակցության առաջնորդ Մամուկա Խազարաձեն:
Ինչպես նշել է Մամուկա Խազարաձեն, պլեբիսցիտը խաղաղ և ճիշտ լուծում է:
«Ես սկզբունքորեն համաձայն չեմ Սաակաշվիլիի հայտարարության հետ, ինչպես նաև նրա հետ համաձայն չեմ շատ բաներում: Ես ուզում եմ ձեզ ասել, որ շատերը համաձայն են պլեբիսցիտ անցկացնելու հետ, դա ստեղծված իրավիճակի խաղաղ և ճիշտ լուծում է: Մենք հարցնում ենք մարդկանց, մենք նրանց ռիսկի չենք ենթարկում: Հիմա, երբ նրանք մտածում են, քանի դեռ ընդդիմությունը չի հաղթել, մենք պե՞տք է ընտրություններ անցկացնենք: Ոչ պարոնայք, եթե ընտրողները ասեն, որ մեզ ընտրություններ պետք չեն ու լավ ենք ապրում, մենք կմնանք այս համակարգում: Մենք խոսում ենք մեկ էջի, մեկ քվեաթերթիկի ավելացնելու մասին, դա պետք է տեղի ունենա տեղական ինքնակառավարման մարմինների ընտրություններում, և մենք պետք է ընտրողներին հարցնենք, թե արդյո՞ք ցանկանում ենք վերափոխվել և անցնել ժողովրդավարական համակարգի, ամբողջովին համամասնական ընտրությունների: Եթե ընտրողները համաձայնեն, ապա այն կանցկացվի 2022 թվականին», – հայտարարել է Մամուկա Խազարաձեն:
Պլեբիսցիտի վերաբերյալ Վրաստանի նախկին նախագահ, Ուկրաինայի բարեփոխումների խորհրդի գործադիր կոմիտեի նախագահ, Միխեիլ Սաակաշվիլին այսօր հայտարարել է, որ ոչ մի դեպքում չի կարելի համաձայնվել պլեբիսցիտի հետ: «Ոչ մի դեպքում չպետք է համաձայնվենք պլեբիսցիտին, հուսով եմ Նիկա Մելիան ազատվելուց հետո շատ կտրուկ որոշումներ կկայացնի», – ասել է Սաակաշվիլին: