Փաստաբանները Վրաստանի նախագահին դիմել են Գիորգի Մամալաձեին համաներում շնորհելու խնդրանքով
Փաստաբանները Վրաստանի նախագահին դիմել են Գիորգի Մամալաձեին համաներում շնորհելու խնդրանքով

«Ցիանիդի» գործով բանտարկյալ Գիորգի Մամալաձեի փաստաբանները այսօր Վրաստանի նախագահ Գիորգի Մարգվելաշվիլուն դիմել են սարկավագին համաներում շնորհելու խնդրանքով:

Ինչպես հայտարարել է սարկավագի փաստաբաններից մեկը, Գիորգի Փանցուլաիան, համաներման պահանջով դիմումը եղել է այն բանից ելնելով, որ հանրությունը տեսել է, թե ինչ իրավական խախտումներ կան գործում:

«Բոլոր հիմնական իրավական խախտումները, որոնք կային այս գործում, փոխանցել ենք Վրաստանի նախագահի վարչությանը, կցել որոշ բովանդակության փաստաթղթեր, որոնք նրան կհամոզեն, որ գործը կողմնակալ է»,- նշել է Գիորգի Փանցուլաիան:

Հարցին, ունեն թե ոչ փաստաբանները սպասում, որ նախագահը համաներում կշնորհի սարկավագ Գիորգի Մամալաձեին, Գիորգի Փանցուլաիան փատասխանել է, որ նա չի պատկերացնում այլ տարբերակ:

Թողնել մեկնաբանություն