ԱՄՆ-ի պետքարտուղարության մամուլի ծառայությունը Մայք Պոմպեոյի Վրաստան կատարած այցի մասին տարածում է տեղեկություն, որտեղ խոսվում է պետքարտուղարի՝ վարչապետ Գիորգի Գախարիայի և արտաքին գործերի նախարար Դավիթ Զալկալիանիի հետ հանդիպման մասին:

«Քարտուղար Պոմպեոն և վարչապետ Գախարիան քննարկել են ազատ, արդար և թափանցիկ խորհրդարանական ընտրությունների և ժողովրդավարությունում անկախ դատական ​​համակարգի դերի կարևորությունը: Քարտուղարը կոչ է արել Վրաստանին շարունակել ակտիվ միջոցներ ձեռնարկել «կովիդ 19»-ի համավարակը հաղթահարելու և կիբերանվտանգությունն ամրապնդելու համար: Քարտուղար Պոմպեոն նաև հայտնել է իր անսասան աջակցությունը, Վրաստանի ինքնիշխանության և տարածքային ամբողջականության նկատմամբ Ռուսաստանի բռնազավթման առջև», – կարդում ենք պետքարտուղարության հայտարարության մեջ:

Մայք Պոմպեոն նոյեմբերի 17-ին երկօրյա այցով ժամանել էր Վրաստան, նոյեմբերի 18-ին նա անց է կացրել պաշտոնական հանդիպումներ:

ԱՄՆ-ի պետքարտուղարն իր առաջին հանդիպումն անց կացրեց Վրաստանի նախագահ Սալոմե Զուրաբիշվիլիի հետ: Ավելի ուշ կառավարության վարչակազմում Մայք Պոմպեոն հանդիպեց վարչապետ Գիորգի Գախարիայի և արտաքին գործերի նախարար Դավիթ Զալկալիանիի հետ: Ավելի ուշ հանդիպում տեղի ունեցավ Համայն Վրաստանի կաթողիկոս-պատրիարք Իլիա Երկրորդի և հոգևորականների հետ: Մայք Պոմպեոն հանդիպում է ունեցել նաև քաղաքացիական հասարակության ներկայացուցիչների հետ:

ԱՄՆ-ի պետքարտուղարը իր այցը ավարտել է երեկ ու մեկնել Իսրայել: