Պետքարտուղար Պոմպեոյի այցն ամրապնդում է ԱՄՆ-Վրաստանի բոլոր ժամանակների բարձրագույն նշանակետում գտնվող ռազմավարական գործընկերությունը,- այսպես է արձագանքել Վրաստանի վարչապետ Գիորգի Գախարիան,  ԱՄՆ-ի պետքարտուղար Մայք Պոմպեոյի այցին «թվիթերի» էջում:

Կառավարության ղեկավարը նշում է, որ այցի շրջանակներում քննարկվելու է ինչպես տարածաշրջանի աշխարհաքաղաքական իրավիճակը, այնպես էլ պաշտպանության և անվտանգության ոլորտում երկկողմ համագործակցությունը:

«Ես անհամբեր սպասում եմ Միացյալ Նահանգների պետքարտուղար Մայք Պոմպեոյին Վրաստանում: Նրա այցն ամրապնդում է ԱՄՆ-Վրաստանի բոլոր ժամանակների բարձրագույն նշանակետում գտնվող ռազմավարական գործընկերությունը: Այցի շրջանակներում կքննարկենք տարածաշրջանի աշխարհաքաղաքական իրավիճակը և մեր երկկողմ համագործակցությունը պաշտպանության և անվտանգության ոլորտում»,- գրել է Գիորգի Գախարիան:

Looking forward to the upcoming visit of @SecPompeo to ??. This visit is reiteration of all time high status of????strategic partnership. In the framework of the visit we will discuss the geopolitical situation in the region as well as our coop in defense & security.

— Giorgi Gakharia (@GakhariaGiorgi) November 10, 2020

ԱՄՆ-ի պետքարտուղար Մայք Պոմպեոն նոյեմբերի 17-ին երկօրյա այցով այցելելու է Վրաստան: