Պաատա Իմնաձե. Վարակակիր նոր պացիենտներից մեկի դեպքում վարակման աղբյուրը հայտնի չէ
Պաատա Իմնաձե. Վարակակիր նոր պացիենտներից մեկի դեպքում վարակման աղբյուրը հայտնի չէ

Կորոնավիրուսի վարակակիր նոր պացիենտներից մեկի դեպքում վարակման աղբյուրը հայտնի չէ:

Այս մասին Վրաստանի Առաջին ալիքին է հայտնել Հիվանդությունների վերահսկման կենտրոնի ղեկավարի տեղակալ Պաատա Իմնաձեն:

Նրա խոսքով, դա նշանակում է, որ երկրում վարակը շրջում է:

«Ցավոք, մեկ մարդու դեպքում դեռևս հայտնի չէ վարակման աղբյուրը, դա նշանակում է, որ բարեբախտաբար, քիչ, սակայն ամեն դեպքում վարակը երկրում շրջում է: Ներկրված դեպքերը ահազանգող չեն, քանի որ նրանք կարանտինային տարածքից են»,- հայտարարել է Պաատա Իմնաձեն:

Վրաստանում արձանագրվել է կորոնավիրուսի 4 նոր դեպք: Այս մասին տեղեկությունը թարմացվել է կառավարության կողմից ստեղծված հատուկ կայքէջում: Այսպիսով, այս պահի դրությամբ Վրաստանում հաստատված է նոր կորոնավիրուսի 1003 դեպք: Ապաքինվել է ևս 3 պացիենտ և ապաքինվածների թիվը կազմում է 873:

Թողնել մեկնաբանություն