Նոյեմբերից կսկսվի Եվրոպայի ուղղությամբ կանոնավոր չվերթների փուլ առ փուլ վերականգնումը. Նաթիա Թուրնավա
Նոյեմբերից կսկսվի Եվրոպայի ուղղությամբ կանոնավոր չվերթների փուլ առ փուլ վերականգնումը. Նաթիա Թուրնավա

Նոյեմբերից փուլ առ փուլ բացում ենք կանոնավոր չվերթները և դրանք հիմնականում Եվրոպական ուղղություններն են. Հրապարակվել է կառավարության նոր որոշման փաստաթուղթը, որը սահմանում է նոյեմբերից կանոնավոր չվերթների փուլ առ փուլ վերականգնման ռեժիմը,- այս մասին Նաթիա Թուրնավան հայտարարել է համակարգող խորհրդի նիստից հետո կայացած ճեպազրույցում:

Նախարարի խոսքով, կան ուղղություններ, որտեղ նախկինում չվերթները իրականացվում էին սահմանափակ ձևաչափով, այդ թվում ՝ չարտերային չվերթներ, իսկ այժմ այդ ուղղությունները բաց են կանոնավոր թռիչքների համար:

«Սրանք ավանդական ուղղություններ են, ինչպիսիք են Մյունխենը, Փարիզը, Ռիգան – այստեղ մենք ընկերություններին առաջարկում ենք ավելացնել հաճախականությունները: Ինչ վերաբերում է այլ ուղղություններին ՝ Ամստերդամ, Վիեննա, Վարշավա, Աթենք, Վիլնյուս, Դորտմունդ, Կատովիցե, Միլան – այս ուղղություններով նախկինում գործող ընկերությունները հնարավորություն ունեն կանոնավոր թռիչքներ սկսել»,- հայտարարել է Նաթիա Թուրնավան:

Ըստ նրա, հատուկ մանրամասները, ինչպիսիք են `ինչ հաճախականությամբ և երբ կվերսկսվեն չվերթները, մեծապես կախված են հենց ավիաընկերությունների կոմերցիոն իրավիճակից, քանի որ շատ ավիաընկերություններ ապրում են բավականին բարդ ժամանակաշրջան:

«Դա կախված է նաև մեր մոտեցումներից, քանի որ մենք որոշել ենք փուլ առ փուլ վերսկսել չվերթները: Գիտեք, որ ամբողջ աշխարհում վարակվածների թիվն օրեցօր ավելանում է, դա կորոնավիրուսի երկրորդ ալիքն է, ուստի բոլոր ռիսկերը պետք է հավասարակշռված լինեն, բայց մյուս կողմից ՝ մեր ընտրությունը հարմարվելն է: Մեր ընտրությունն է պայքարել համավարակի դեմ այնպես, որ չսահմանափակի բիզնեսը, և այս տրամաբանության մեջ բացարձակապես օրգանական է չվերթների և շարժունակության աստիճանական բացումը, ինչը շատ կարևոր է մեր քաղաքացիների, այցելուների, այդ թվում` գործարար այցելուների համար, որը արդեն կիրականացվի նոյեմբերից»,- ասել է էկոնոմիկայի նախարարը:

Թողնել մեկնաբանություն