Վրաստանի պետական անվտանգության ծառայությունն արդեն համագործակցում է ռազմավարական գործընկերների հետ, որպեսզի Նոր Զելանդիայում տեղի ունեցած ահաբեկչական գործողության ժամանակ ձերբակալված անձանց և առգրավված զենքի մասին ստանա տեղեկություն,- այս մասին հայտարարություն է տարածել պետական անվտանգության ծառայությունը:

«Արտասահմանյան մամուլում հրապարակվել են Նոր Զելանդիայում տեղի ունեցած ահաբեկչական ակտի ժամանակ կիրառված զենքի պահունակների լուսանկարները: Դրանց վրա զետեղված էին խորհրդանիշներ և գրառումներ տարբեր լեզուներով, այդ թվում վրացերենով:

Վրաստանի պետական անվտանգության ծառայությունն արդեն համագործակցում է ռազմավարական գործընկերների հետ, որպեսզի Նոր Զելանդիայում տեղի ունեցած ահաբեկչական գործողության ժամանակ ձերբակալված անձանց և առգրավված զենքի մասին ստանա տեղեկություն:

Պետական անվտանգության ծառայությունը ցավակցում է Նոր Զելանդիայի բնակչությանը՝ տեղի ունեցած ահաբեկչական ակտի առնչությամբ»,- ասվում է  ՊԱԾ-ի հայտարարությունում: