Հայաստանի վարչապետ Նիկոլ Փաշինյանի հայտարարությամբ, Ռուսաստանը Լեռնային Ղարաբաղում հակաահաբեկչական գործողություն իրականացնելու օրինական իրավունք ունի:

Ինչպես Հայաստանի վարչապետը հայտարարել է ռուսական «Տասս» գործակալությանը տված հարցազրույցում, Լեռնային Ղարաբաղում ադրբեջանական կողմում կռվող սիրիացի ահաբեկիչները վտանգ են ներկայացնում Ռուսաստանի համար, և Մոսկվան հիմքեր ունի գործելու նրանց դեմ:

Հայաստանի կառավարության ղեկավարը համոզված է, որ «այդ տարրերը կանցնեն Ռուսաստանի տարածք, քանի որ նրանք Ռուսաստանի Դաշնությունը ընկալում են որպես թշնամի, ինչպես նաև Լեռնային Ղարաբաղը կամ Հայաստանը»:

Փաշինյանի խոսքով, Ռուսաստանը հակաահաբեկչական գործողություններ է իրականացրել Սիրիայում, քանի որ սիրիացի մարտիկների ու ահաբեկիչների գործողությունները սպառնում էին նրա անվտանգությանը, իսկ այժմ մարտիկներն ավելի մոտ են Ռուսաստանի սահմանին: