Նախագահի կողմից համաներում շնորհված անձանցից մեկը հետախուզման մեջ է. Թեա Ծուլուկիանի
Նախագահի կողմից համաներում շնորհված անձանցից մեկը հետախուզման մեջ է. Թեա Ծուլուկիանի

Մարիամոբա տոնի կապակցությամբ նախագահի կողմից համաներում շնորհված անձանցից մեկը հետախուզման մեջ է,- հայտարարել է փոխվարչապետ, արդարադատության նախարար Թեա Ծուլուկիանին՝ Վրաստանի Առաջին ալիքի «Ազատ տեսլական» հաղորդման շրջանակներում:

«Ի տարբերություն նախորդ երկու համաներման, Մարիամոբայի համաներման առնչությամբ նախագահի վարչության և արդարադատության նախարարության միջև հաղորդակցություն չի եղել և մենք միանգամից ստացել ենք նախագահի ստորագրված փաստաթուղթը, որի հետո 24-ից 23 անձն ազատ է արձակվել, իսկ մեկը չի կարողացել ազատ արձակվել, որովհետև այսօր էլ հետախուզման մեջ է»,- ասել է արդարադատության նախարարը:

Ծուլուկիանին նշել է, որ հետախուզվող անձի հանցանքը կայանում էր յուրացնելու-վատնելու մեջ: Նա խուսափեց անվանել այդ անձի անուն-ազգանունը:

Արդարադատության նախարարի կարծիքով, համաներման իրավունքն անսահմանափակ չի կարող լինել, հակառակ դեպքում, այնպիսի արդյունք կունենանք, ինչպիսին ունեցանք Մարիամոբա տոնին, երբ համաներում շնորհվեց սպանության հոդվածով դատապարտյալ երեք անձի: