Վրաստանի նախագահ Սալոմե Զուրաբիշվիլին Սուրբ Ծննդյան տոնի առթիվ ներում է շնորհել հինգ դատապարտյալի:
Այս մասին Վրաստանի նախագահը հայտարարել է այսօր կայացած ճեպազրույցի ժամանակ:
Սալոմե Զուրաբիշվիլին չի հստակեցրել, ներում շնորհված հինգ դատապարտյալներից բոլորն են ազատվելու բանտից թե ոչ:
Բացի այդ, ցուցակում չի հայտնվել հոգևորական Գիորգի Մամալաձեն:
Սեպտեմբերի 18֊ից հետո հայտարարված մորատորիումից հետո նախագահը համաներման ակտը ստորագրելու է առաջին անգամ։
Համաներումն իրականացվել է նոր կարգով, որն ուժի մեջ է մտել 2019 թվականի նոյեմբերի 27-ից: