ՆԱՏՕ–ի նախկին գլխավոր քարտուղար և արտաքին քաղաքականության և անվտանգության հարցերում Եվրամիության նախկին գերագույն հանձնակատար Խավիեր Սոլանային թույլ չեն տվել ԱՄՆ տարածք մուտք գործել: Լրատվությունն այս մասին տարածում է El Pais-ը:
Ինչպես նշում է հրատարակչությունը, իսպանացի քաղաքական գործիչը պետք է խոսքով հանդես գար Բրուկինգյան ինստիտուտում։
ԱՄՆ-ի իշխանությունների որոշումը կապված է Խավիեր Սոլանայի Իրան կատարած այցի հետ, որին ԱՄՆ-ն մտցրել է «սև ցուցակի» մեջ:
Իսպանիայի քաղաքացիներին կարճաժամկետ այցերի համար ԱՄՆ մուտքի այցեգիր չի պահանջվում, սակայն դա երաշխիք չէ, որ նրանց չեն արգելի մուտք գործել երկիր: Այսպիսով, նրանք մինչ այցելելը լրացնում են թվային դիմում (ESTA), հենց նման ավտորիզացիա չի անցել Խավիեր Սոլանան:
Ինչպես գրում է El Pais-ը, ամերիկյան դեսպանատան աղբյուրներին հենվելով, մուտքի դիմումը ավտոմատ կերպով մերժվում է, սակայն անձնագրում կա՝ Իրան, Իրաք, Սիրիա, Սուդան, Լիբիա, Սոմալի կամ Եմեն այցելելու մասին նշում։ Այդ պատճառով անձը, ով ստացել է մերժում, պետք է վերցնի այցեգիր:
Իսպանական հրատարակչության հետ զրույցում, Սոլանան հաստատել է, որ այս պահին ԱՄՆ-ի այցեգիր ստանալու գործընթացում է:
