Մոզամբիկում, աղետի գոտում գրանցվել է մաղձախտի (խոլերա) մի քանի դեպք:
Սուր վարակիչ հիվանդությամբ Բեյրայում վարակվել է մի քանի մարդ: Այս նավահագստային քաղաքն առաջինն էր, որտեղ «Իդայ» ցիկլոնը վրա հասավ ողջ ուժգնությամբ: Աղետի հետևանքով քաղաքը գրեթե ամբողջությամբ հայտնվեց ջրի տակ:
Տեղի բնակիչները մնացել են առանց խմելու ջրի, դեղամիջոցների և սննդի: Դրան են ավելանում նաև սանիտարական ծանր պայմանները, որի պատճառով ավելանում է խոլերայի տարածման ռիսկը: