Մոլդովայի խորհրդարանը չի աջակցել երկրի եվրաինտեգրման կուրսի սահմանադրությունում գրանցման մասին նախաձեռնությանը
Մոլդովայի խորհրդարանը չի աջակցել երկրի եվրաինտեգրման կուրսի սահմանադրությունում գրանցման մասին նախաձեռնությանը

Մոլդովայի խորհրդարանը չի աջակցել երկրի եվրաինտեգրման կուրսի սահմանադրությունում գրանցման մասին ժողովրդավարական կուսակցության նախաձեռնությանը: Նշված լրատվությունը տարածում է մոլդովական մամուլը:

Առաջին և երկրորդ ընթերցմամբ սահմանադրական փոփոխությունների նախագիծը ստացել է 54 պատգամավորի աջակցություն: Իսկ սահմանադրությունում փոփոխություններ մտցնելու համար անհրաժեշտ էր Մոլդովայի խորհրդարանի նվազագույնը 67 պատգամավորի աջակցություն:

«Այս երկիրը հնարավորություն ուներ, սակայն ինչպես տեսնում ենք դա ապագա սերնդի գործն է»,-հայտարարել է Մոլդովայի խորհրդարանի նախագահ Անդրիան Կանդուն:

Քվեարկության ժամանակ լիբերալ և լիբերալ-ժողովրդավարական կուսակցության անդամները ի նշան բողոքի լքել են նիստերի դահլիճը:

«Ինչպես տեսանք լիբերալները հրաժարվել են եվրոպական ինտեգրումից: Ընտրողները, որոնք նրանց ձայն են տվել պետք է հիշեն այս օրը»,-նշել է Կանդուն:

Քվեարկությանը չեն մասնակցել նաև սոցիալիստական և կոմունիստական կուսակցությունները: