Միխեիլ Սաակաշվիլին դիմում է Պետրո Պորոշենկոյին - Եթե դուք չեք վախենում վերադարձրեք անձնագիրս

14:09, 08.04.2019

Վրաստանի նախկին նախագահ և Օդեսայի նախկին նահանգապետ Միխեիլ Սաակաշվիլին կոչ է անում Պետրո Պորոշենկոյին, մինչ ՈՒկրաինայի նախագահական ընտրությունների երկրորդ փուլը վերադարձնի անձնագիրը:

Նրա խոսքով, ՈՒկրաինայի դատարանում նրա գործը ձգձգվում է միտումնավոր, քանզի նա չկարողանա դիմել Ստրասբուրգի դատարանին:

«Պորոշենկոյի վարչակազմի ազդեցության պատճառով, իմ գործը մինչև հիմա ընթանում է ՈՒկրաինայի դատարանում: Դատարանները չեն ընդունում որոշում: Չեն ցանկանում, որ գնամ Ստրասբուրգ, քանզի եվրոպական դատարանը կվերականգնի իմ քաղաքացիությունը: Եթե դուք չեք վախենում և իսկապես ասում եք, որ փոխվել եք, ապա հնարավորություն ունեք օրենքի շրջանակներում վերականգնել իմ քաղաքացիությունը: Տալիս եմ ձեզ 24 ժամ ժամանակ»,-հայտարարել է Միխեիլ Սաակաշվիլին:

Հեղինակ - edgar barsegyan

Միջազգային

Քաղաքական

Միխեիլ Սաակաշվիլի

Պետրո Պորոշենկո