Մինչև Թբիլիսիի մանկապարտեզներում դաստիարակչական գործընթացի մեկնարկը, ծնողները կկարողանան տուն տանել երեխաների սննդի համար նախատեսված մթերքը
Մինչև Թբիլիսիի մանկապարտեզներում դաստիարակչական գործընթացի մեկնարկը, ծնողները կկարողանան տուն տանել երեխաների սննդի համար նախատեսված մթերքը

Աշխարհում կորոնավիրուսի տարածման դեպքերի ավելացման հետ մեկտեղ, Թբիլիսիի քաղաքապետարանի, մսուր-մանկապարտեզների կառավարման գործակալությունը որոշել է, մինչ մանկապարտեզներում դաստիարակչական գործընթացի վերականգնումը, այն ոչ շուտ փչացող մթերքը, որոնք պետք է արձակուրդի ժամանակահատվածում օգտագործվեին երեխաների սննդի համար, թույլ տանք ծնողներին տանել տուն»,- այս մասին Թբիլիսիի քաղաքապետ Կախա Կալաձեն հայտարարել է այսօր կայացած ճեպազրույցում:

«Այսօր ցանկանում եմ ձեզ ներկայացնել Թբիլիսիի քաղաքապետարանի ևս մեկ նախաձեռնություն, և դա վերաբերում է մեր փոքրիկներին: Ստեղծված իրավիճակից ելնելով, գիտեք, որ մանկապարտեզներում կրթական գործընթացը նույնպես ընդհատված է:

Մեր քաղաքում մանկապարտեզն ունի ինչպես դաստիարակչական, այնպես էլ որոշակի սոցիալական գործառույթներ: Ցավոք, շատ ընտանիքների, շատ ծնողների համար, երեխային մանկապարտեզ ուղարկելը կարևոր է ոչ միայն կրթության տեսանկյունից, այլև երեխայի համար լիարժեք սննդակարգի ապահովման համար: Կրթադաստիարակչական գործընթացի ընդհատումը հնարավոր է նման ընտանիքների և երեխաների համար ստեղծի լրացուցիչ խնդիրներ և ծնողների համար առաջացնի ծանրաբեռնվածություն, նամանավանդ, շատ ծնողներ կարող են որոշակի խնդիրներ ունենալ իրենց առօրյա եկամուտների և աշխատանքի կատարման տեսանկյունից:

Հետևաբար, Թբիլիսիի քաղաքապետարանը, մսուր-մանկապարտեզների կառավարման գործակալությունը, որոշել ենք, որ նախքան մանկապարտեզներում վերսկսվի ուսումնական գործընթացը, այն ոչ շուտ փչացող մթերքները, որոնք պետք է օգտագործվեին մանկապարտեզներում արձակուրդների ընթացքում, նորից կօգտագործվեն մեր փոքրիկների համար: Ապրանքների ցանկը համաձայնեցված է սննդաբանների հետ», – հայտարարել է Կալաձեն

Ըստ նրա, փաթեթավորված մթերային փաթեթը ծնողներին կհանձնվի 14 օրը մեկ անգամ :

«Սննդամթերքը կփաթեթավորվի և կփոխանցվի երեխաների ծնողներին: Գործընթացն իրականացվելու է կամավորների ներգրավմամբ, ինչպես դա տեղի կունենա անվճար ճաշարանների դեպքում: Ծնողներին մթերային փաթեթը կհանձնվի 14 օրը մեկ անգամ: Իհարկե, այս դեպքում նույնպես պաշտպանված կլինեն հիգիենայի նորմերը և անվտանգության կանոնները և ստեղծված իրավիճակում, երբ վարակի հետ պայքարում առանձնահատուկ կարևորություն ունի օրգանիզմի իմունիտետը, կփորձենք, ոչ մի երեխայի չթողնել առանց իրեն պատկանելիք սննդի չափաբաժնի և ծնողները 14 օրը մեկ անգամ կկարողանան չփչացող մթերքը տուն տանել: Դա կլինի երկու շաբաթվա պաշարը, որպեսզի նրանք հնարավորություն ունենան երեխաների համար պատրաստել ընթրիքը այս մթերքներով: Երեխաները մեր ապագան են և նրանց համար հոգ տանելը մեր ամենակարևոր պարտավորությունն է»,- հայտարարել է Կալաձեն:

Թողնել մեկնաբանություն