Երկրում համավարակաբանական իրավիճակի կայունացման միտման և այսօր սահմանափակումները մեղմելու հաջորդ փուլին զուգահեռ, Միջգերատեսչական խորհուրդը քաղաքացիներին և ձեռնարկատերերին կոչ է անում խստորեն հետևել հանձնարարականներին, որի վրա կիրականացվի խիստ վերահսկողություն: Այս մասին տեղեկատվություն է տարածում կառավարության մամուլի ծառայությունը: Ըստ նրանց, արգելված և թույլատրված գործողությունների կատարման վերահսկման և դրականության ցուցանիշի 4%-ի շրջանակներում պահպանման դեպքում, սահմանափակումների փուլ առ փուլ վերացման շարունակությունը, այսօր վարչապետ Գիորգի Գախարիայի գլխավորությամբ քննարկել է միջգերատեսչական համակարգող խորհուրդը:
Խորհրդի որոշմամբ, այսօրվանից, փետրվարի 15-ից, Թբիլիսիում, Ռուսթավիում և Քութայիսիում ուսումնական գործընթացը շարունակվել է դասասենյակներում, սակայն ծնողներին կրկին հնարավորություն է տրվում ընտրել հեռավար ուսուցման ռեժիմը: 5-ից 12-րդ դասարանների աշակերտների համար դպրոցում պարտադիր է դարձել կրել շնչադիմակը: Միևնույն ժամանակ, այսօրվանից սննդի օբյեկտները կարող են հյուրեր ընդունել բաց տարածքներում (բացի հանգստյան օրերից):
Ըստ էկոնոմիկայի նախարար Նաթիա Թուրնավայի, ռեստորանային բիզնեսի ներգրավմամբ, ընթանում է ակտիվ աշխատանք արձանագրությունների և նորացված կանոնների վերաբերյալ, որոնք մենք համաձայնեցրել ենք ռեստորանային արդյունաբերության հետ և որոնք ռեստորաններին ու սրճարաններիը կպատրաստեն այն հաջորդ մակարդակ տեղափոխելու համար: Բացի այդ, նախարարը նշել է, որ այն ռեստորանների համար, որոնք չունեն իրենց վերանդաներն ու բաց տարածքը, Թբիլիսիի քաղաքապետարանն առաջարկել է ժամանակավորապես օգտագործել մայթերը, որպեսզի նրանք գոնե որոշ չափով սկսեն գործել:
Հանդիպմանը ընդգծվել է, որ կարևոր է, սահմանափակումները մեղմելու համար ձեռնարկված յուրաքանչյուր քայլ լինի շատ զգույշ, որպեսզի այն բացասաբար չանդրադառնա համավարակաբանական իրավիճակի վրա և անհրաժեշտ չլինի կրկին հաստատել վերացված սահմանափակումները: Կրկին հատուկ ուշադրություն է դարձվել շնչադիմակ կրելու անհրաժեշտության վրա: Ինչպես հայտնի է, շնչադիմակ կրելու վերաբերյալ օրենքը խախտելու համար պատժամիջոցը խստացվում է, իսկ երկրորդ խախտման դեպքում տուգանքն ավելանում է:
Այնուամենայնիվ, այն կազմակերպություններն ու ձեռնարկությունները, որոնք կանխամտածված կերպով խախտում են օրենքը և սահմանափակման ժամանակահատվածում զբաղվում են արգելված տնտեսական գործունեությամբ, այլևս չեն կարող օգտվել համավարակի պատճառով հաստատված արտոնություններից, սուբսիդիաներից և տարբեր պետական ծրագրերից:
Հիվանդությունների վերահսկման և հանրային առողջապահության ազգային կենտրոնի ղեկավարը, խորհրդի նիստում խոսել է երկրում համավարակաբանական իրավիճակը կայունացնելու միտման մասին: Ամիրան Գամղրելիձեի խոսքով, Վրաստանում, ինչպես նաև ամբողջ աշխարհում նոր դեպքերի թիվը աստիճանաբար նվազում է, ինչը ուղեկցվում է հիվանդանոցային ցանցում հիվանդների թվի նվազմամբ: Ըստ նրա, փետրվարի 15-ի դրականության ցուցանիշը կազմում է 1.79%, մինչդեռ մեծ քաղաքներում 7-օրյա դրական ցուցանիշը տատանվում է 1-ից 3%, իսկ 14-օրյա դրականության ցուցանիշը տատանվում է 1-ից-4%:
Հանդիպմանը ասվել է, որ վերջին ժամանակներում դպրոցում ստուգվել է մինչև 50 000 ուսուցիչ, իսկ ուսուցիչների շրջանում դրականության ցուցանիշը կազմել է ընդամենը 0,2%: Կառավարության ղեկավարը վերահաստատել է ուսումնական գործընթացի անվտանգության նորմերի և առաջարկությունների լիարժեք պահպանումը, ինչպես աշակերտների, այնպես էլ ուսուցիչների առողջությունը առավելագույնս պաշտպանելու համար: Այդ նպատակով, Առողջապահության նախարարության հետ մշակված արձանագրության հիման վրա, երկու շաբաթը մեկ անգամ ուսուցիչները և դպրոցների վարչական անձնակազմը անցնում են պարտադիր թեստավորում:
Նիստում քննարկվել են պատվաստումների ծրագրի նախապատրաստական աշխատանքները: Ինչպես հայտնի է, ընտրվել են բժշկական հաստատություններ, իրականացվում է անձնակազմի վերապատրաստում: Վրաստանը մինչև փետրվարի վերջը ստանալու է «Փայզեր» պատվաստանյութի առաջին չափաբաժինները և համաձայն ազգային ծրագրի, պատվաստումը կսկսվի բժշկական անձնակազմից և առաջին փուլում պատվաստումները կիրականացվեն միայն հիվանդանոցային հատվածում: Միևնույն ժամանակ, շարունակվում է ինտենսիվ աշխատանքը, ապահովելու պատվաստանյութի հաջորդ չափաբաժինների շուտափույթ ներկրումը երկիր, և դրա հիմնական նախապայմանը Առողջապահության համաշխարհային կազմակերպության թույլտվությունն է և պատվաստանյութի միջազգային ճանաչումը: Պատվաստումների ազգային ծրագրի համաձայն, պատվաստումների անկացման թիրախային նշանակետը մինչև 2021 թվականը բնակչության 60%-ի պատվաստումն է, պատվաստումները կամավոր են:
Հանդիպմանը վերահաստատվեց, որ վերակենդանացման բաժանմունքների առավելագույն օգտագործումը, ինտենսիվ թեստավորումը և պատվաստումները ամենակարևոր միջոցներն են, որոնք կօգնեն բացել տնտեսությունը, արագ վերականգնվել և հնարավորինս շուտ վերադառնալ բնականոն կյանքի:
Վրաստանի ողջ տարածքում, սահմանափակումների մեղմացմանը զուգահեռ, շարունակվում է հաստատված կանոնակարգերի կատարման խիստ վերահսկումը, ինչպես արգելված, այնպես էլ թույլատրված գործողությունների, ինչպես նաև պարտադիր փորձարկման հետ կապված: Աշխատանքի տեսչության վարչության պետ, Բեքա Փերաձեի խոսքով, labour.moh.gov.ge-ի վրա գրանցված է ընդհանուր առմամբ 47 առևտրի կենտրոն, 26 մանրածախ-մեծածախ օբյեկտ, 2 246 դպրոց և 53 շուկա: երկու շաբաթվա ընթացքում 47 առևտրի կենտրոններից 46-ը բավարարել են թեստավորման պահանջները, մանրածախ-մեծածախ 26 հաստատություններից չեն բավարարում փորձարկման պահանջները 5-ը, դպրոցների ուղղությամբ գործընթացը բավականին հաջող է, իսկ ինչ վերաբերում է շուկաներին և տոնավաճառներին, ապա 53-ից արտոնագիր են ստացել 52-ը:
Միևնույն ժամանակ, ըստ Բեքա Փերաձեի, անցած հանգստյան օրերին, Աշխատանքի տեսչության վարչությունը ՆԳՆ-ի հետ համատեղ իրականացրել է ակտիվ մոնիտորինգ և հայտնաբերել ընդհանուր առմամբ յոթ խախտում, որոնցից չորսը սոցիալական գործունեություն էին իրականացնում, որոնք ներկայումս արգելված են: Պատժամիջոցներ են կիրառվել ինչպես ֆիզիկական, այնպես էլ իրավաբանական անձանց նկատմամբ, և մեկ օբյեկտ փոխանցվել է ՆԳ նախարարությանը`բազմիցս խախտումների համար և կնիքվել:
Աշխատանքի տեսչությունը, կարգավորիչ տարբեր գերատեսչությունների հետ միասին, 2020 թվականի նոյեմբերի 28-ից մինչ օրս իրականացրել է ընդհանուր առմամբ 54 322 գործողություն, որտեղից 31 587-ի դեպքում տրվել են հանձնարարականներ, 6 163 հաստատության համար նախնական փուլում կասեցվել է գործունեությունը, 1000 օբյեկտ ստուգվել է: 63 օբյեկտ տուգանվել է և 15 678 օբյեկտ վերստուգվել, որոնք հաջորդ փուլում բավարարել են արձանագրության պահանջները:
Վրաստանում կորոնավիրուսի առաջին դեպքի հայտնաբերումից ի վեր, հայտնաբերվել է վարակի լաբորատոր հաստատված 265 722 դեպք, որտեղից ապաքինվել է 258 732 մարդ, մահացել է 3 363 պացիենտ:
Այս փուլում կարանտինում է գտնվում 238 մարդ, կլինիկական հյուրանոցներում ՝ 232 քաղաքացի, իսկ ստացիոնարում հսկողության տակ է՝ 1 932 մարդ:
