Մևլութ Չավուշողլու. Թուրքիան չեզոքություն է պահպանում Ուկրաինայի և Ռուսաստանի հարցում
Մևլութ Չավուշողլու. Թուրքիան չեզոքություն է պահպանում Ուկրաինայի և Ռուսաստանի հարցում

Թուրքիան չեզոքություն է պահպանում Ուկրաինայի և Ռուսաստանի հարցում, – ասաց Թուրքիայի արտգործնախարար Մևլութ Չավուշողլուն: Տեղեկատվությունը տարածում են ուկրաինական լրատվամիջոցները:

«Մենք ոչ մեկի կողմը չենք: Մեր դիրքորոշումը հիմնված է բաց և կառուցողական մոտեցման վրա», – ասաց Մևլութ Չավուշողլուն:

Հիշեցնենք, որ օրեր առաջ Ուկրաինայի նախագահ Վլադիմիր Զելենսկին պաշտոնական այցով մեկնել էր Թուրքիա:

Թուրքիայի նախագահը Զելենսկու հետ հանդիպման ժամանակ ասաց, որ Անկարան շարունակում է հավատարիմ մնալ Ղրիմի չճանաչման քաղաքականությանը: